EYVAZ TAHA - ایواز طاها
ƏLIMÜHƏMMƏD BƏYANI علی محمد بیانی
هادی قاراچای- HADI QARAÇAY
RIZA HƏMRAZ رضا همراز
رضا همراز ، رضا همرازین دیلیندهن
ادبي دوستلار ايچره داها آرتيق رضا همراز آدي ايله تانينميشام . ۱۳۴۷ (۱۹۶۷) جي ايلده اوجا و قوجا تبريزين دوهچي محلهسينين بالا حامام ايستگاهينين حامبال قبري محلهسينده كاسيب بير عائلهده ايشيقلي دونيايا گؤز آچميشام .۱۳۵۳ ـجي ايله هدايت آدلي مدرسهيه گؤندريليب سونرالار ايسه سردار ملي مدرسهسينده و داها سونرالار رازي مدرسهسينده تحصيل آلميشام . آن كيچيك ياشلاريمدان ادبيات ايله تاريخه ماراقليايديم . ۶۲ -جي ايلدهن اعتبارا «جوانان امروز» ژورنالينا گولمهجه ( جوك ) گوندهررديم . آنجاق ۶۷ -جي ايلدن اوزامانكي «فروغ آزادي» يازيچيلارينا قوشولدوم . همين ايلده عسگرليگ پالتارين گئييب ايكي ايل صداقتله خدمت ائديب ۶۹ -جو ايده سويونوب بير آز شخصي مطالعهيه گيريشديم . همين ايلده تورك دونياسينين اويوندويو رحمتلي پروفسور محمدتقي زهتابي ايله تانيش اولوب او داهينين شخصي كيلاسلاريندا اشتراك ائديب ائله همان ايل تبريزده او گونكو ميللي ايستهكلرين جارچيسي اولان «احرار هفتهلييي»نه چاغیريليب اورانين هنر و انديشه بؤلومونو چيخارتماغا باشلاديم . بو صحيفه فارسجا گئتسهايدي ده آنجاق يالنيز آذربايجان تاريخ و ادبياتينا عايید ايدي. سونرالار قيزغين مطالعهيه گيريشيب چوخلو مقالهلر يازديم . بو گونه قدر منيم ۱۲۰ دهن آرتيق مقاله م؛ شعريم و كيتاب تانيديم و … ۵۰ دن چوخ قزئته، آیلیق، گاهنامه، فصلنامه ده و… ايستر ايراندا ايسترسه ده ايراندان قيراقدا توركجه و فارسجا بوراخيلميشلار . بو نو اونوتدوم كي ۶۹ جو ايلدن بري تبريزين فني فابريكالارينين بيريسينده حلهليك ايشلهیيب ۷۶ -جي ايل تبريزده عائله قوروب ايكي اوشاق آتاسيیام . بؤيوك اوشاغيم سالار و دؤرد ياشلي قيزيم سولماز ايندي بيزله ياشاماق داديرلار .
من گؤردويوم ايشلرله برابر بو گونه كيمي ۲۰ دن آرتيق توركجه فارسجا كيتابي رئداكتا يا اؤن سوز يازميشام. اونلارين بير سيرالاري ايشيق اوزو گؤرموشلر، او جوملهدن:
۱- مجيد يالقيزین «جيغان – ويغان» اثري
۲- دوكتور مبيينین «جوذاملي سارا» اثري
۳- عاشيق حسين جاوانين «قوشلار اويانير» اثري
۴- «اوستاد فرزانهنين توركجه مقاله لر توپلوسو»
۵- دوقتور حسين صديقين گوللر آچاجاق باشليقلي شعر مجموعهسي
۶- يوسف كوكبينين شعر مجموعهسي
۷- اوستاد هريسينين «اوغوزنامه»سي
۸- اوستاد هريسينين «اوخو اوخو گور نه وار» روماني
۹- ابوطاليب اللهياري ( توتقون )ون «حكايت سنگها» كيتابي
۱۰- پروفسور حسین صديقين فارسجا مقالهلرينين ايكينجي جلدي نين اؤن سوزو
۱۱- «سؤزلوكلر سؤزلويو»
۱۲- جستار هايي از تاريخ تبريز
۱۳- و …
چاپا حاضير لاديغيم اثرلردن بونلاري گؤسترمگ اولار:
- تبريزلي صائبين توركجه شعرلري
- تبريزلي موللا مهر علي نين شعرلري
- سبف الملوك داستاني
- سيري در تاريخ انقلاب مشروطيت
- مير جعفر پيشهورينين زندان خاطيرهلري
- ويجويهنين بلواي تبريز كيتابي
- نصرت ا… فتحينين ديدار همرزم ستارخات كيتابي
- اوستاد اكبر مدرس اول – ين اورمو تاريخي
- احمد كسروينين زبان تركي در ايران كيتابي
- ميللي حوكومتين اقتصاد وزيري اولان رضا رسولينين خاطرهلرينين اؤن سوزو
- و…
بونلاردان علاوه بير نئچه قورولتايدا دا اشتراك ائديب بير نئچه تقدير لوحلارينا لايق گورونموشم .
بئلنچي ايشلرله مشغول اولدوغوم چاغلاردا گاهدان دا بير شعر دئييرديم آنجاق ايندي شعر دن بیر آز قيراغا چگيليب واختيمين چوخو معاصر تاريخده صرف اولور .
آلمایولو-نداکی اثرلری
زينالعابدين قيامي «سالار
ظفر» / رضا همراز
نصرت الله فتحي مفتش تاریخ مشروطیت / رضا همراز
استاد اکبر مدرس اول ( شیوای تبریزی ) / رضا همراز
اوستاد مفتون اميني و پوئزياسي / رضا همراز
سولدوزون گورسسی اوستاد یوسف قهرمانپور / رضا همراز
ميرزا تقيخان رفعت و مجلهي آزاديستان / رضا همراز
حكيم فيضولي و اونون دوامچيلاريندان تبريزلي تاثير / رضا همراز
خليل ملَکی در عالم سياست / رضا همراز
نامه هاي ستارخان و دورنمايي از شهادت دلخراش و جانسوز وي / رضا همراز
آذربايجاندا قادين حركاتيندان اورنگلر / رضا همراز
احمد كسروي و زبان تركي / رضا همراز
محمد امين رسولزاده و شاعيرليگي / رضا همراز
منیم آدیم عاشیق حسین جوان دی / رضا همراز
بهار خراساني آئينه بهار شرواني / رضا همراز
مجله دنيا و دكتر تقي اراني / رضا همراز
اوستاد یحیی شیدانین پوئزیاسی / رضا همراز
رضا همرازین قلمی ایله یئنی بیر کیتاب یاییملاندی
باشقا یازارلارین رضا همرازا عایید یازیلاری:
ادعا سيز و چاليشقان آراشديريجي و شاعير رضا همراز / محمد الفت