سون یازیلار

سون گؤروشلر

آرشیو


« قرائت یک بیت شعر ترکی توسط عیسی جعفری نماینده بهار و کؤورنگ(کبودرآهنگ) در صحن مجلس و حواشی مربوطه! | آنا یارپاق

و نهایت آلما یولونو کسدیلر

خزل آیي ۲۲, ۱۳۸۹

سایین اوخوجولار! بئش ایله یاخین ( دؤرد ایل اون آی) چالیشدیقدان سونرا آلما یولونون ایکی ایزلمی ده فیلتر اولدو.
آلما یولو حدودن ۱۲۵۰ یازی، مینلرجه اوخوجولارین پایلاشدیغی کامئنت، یاریم میلیوندان آرتیق کیلیک‌له داها گونجل اولاجاغینا اینانماییر.
آلما یولونون کامئنت‌لرینده چوخلو آذربجانین ده‌یرلی عالیم‌لر و چالیشقانلاری‌نین آدینا راستلاشماق چتین دئییل. او جومله‌دن: ناصر منظوری، اسماعیل هادی، ایواز طاها، عظیمی قدیم، حسن راشدی، محمد رضا هیئت، سعید متین پور، علی محمدبیانی، هادی قاراچای، مهران بهاری، ایشیق سؤنمز، اسدالله امیری، همت شهبازی، ابراهیم ساوالان، فتح الله ذوقی، رامین جباری، سعید نعیمی، علیرضا جوانبخت، مصطفی رزاقی، ائلیاد موسوی، محمد رزاقی، تئلناز نعمتی، علیرضا آقازاده، شریف مردی، عسگر علیائی کلیان و اونلارجا باشقا آیدینلار و بیلگین‌لریمیز آلما یولونو ایزله‌ییب و باخیشلارینی پایلاشیب‌لار.
قارشی طرفدن عباس عبدی، محمدرضا تاجیک، عطاء الله مهاجرانی کیمی اینسانلار کامئنت، ایمیل و باشقا یوللارلا آلما یولوندا گئدن بیر سیرا یازیلارا اؤز موناسیبت‌لرینی بیلدیریب‌لر.
تورک دونیاسیندان گلن تپکی‌لر ده آز اولماییب‌دیر. تورکیه و قوزئی آذربایجان یازارلاری، عیراق تورکمن‌لری، سوریه تورکمن‌لری، افغانستان تورکلری، ایرانین ایچریسینده یاشایان تورکمن قارداشلاریمیز، قاشقاییستان و خوراسان دا یاشایان تورکلر هر کس بیر چئشیت بو صحیفه‌ ایله ایلگی‌له‌نیب اؤز موناسیبتینی بیلدیریب‌دیر.
آیریجا سایین ایواز طاها خصوصی دانیشیقلار و گؤندردی‌یی ایمیل‌لرده ده‌یرلی اؤنری‌لر وئریب و بیر سیرا چاتیشمازلیقلارین قالدیرماسینا یاردیمجی اولوبدور.
ایندی بئش ایلدن سونرا بو پنجره‌نی اوزوموزه باغلانمیش گؤروب، سیزینله ویداعلاشماقدان باشقا اؤنوموزده آیری بیر یول گؤرمه‌ییریک.
بو وبلاگی دیوان لغات الترک اوزرینده گؤتوردویوم نوتلاری پایلاشماق اوچون یولا سالسام دا هئچ زامان او نوتلاری پایلاشا بیلمه‌دیم. آنجاق بو وبلاگ بیر داها گونجل‌لشمه‌یی دئنه‌سه، کسین قوتادغو بیلیگ نوتلارینی پایلاشماق اوچون گونجل‌لشه‌جک‌دیر.
۹ ایل «وبلاگچی‌لیق خاطیره‌لری » ، «اینترنیتده کؤشه‌ یازیلارینی گلیشدیرمه‌یه گؤستریلن چابالار» و «ایران تورک توپلوموندا گؤرونمه‌ین آدالارا ایشیق سالماق» اوزرینده، سونرالار توفیق اولسا یازاجایام.
سون سؤز اولاراق آذربلاگ سیستمی‌نین هر طرفلی یاردیملاریندان اؤزلجه‌سینه تشککور ائتمه‌لی‌یم.
درین سایقیلاریملا
قوم – ۲۲ مهر ۱۳۸۹
سید حیدر بیات

بؤلمه لر: ادبیات, خبر و تحلیل |

۱۲ گؤروش یازی: “و نهایت آلما یولونو کسدیلر”

  1. رضا دئییر:
    خزل آیي ۲۲-ي, ۱۳۸۹ چاغ ۳:۲۵ گ.ؤ

    حیدر عموغلو سیز بیر باجاراخلی و بیر بویوک یازار سیز
    سیزین قیسا یازیلاریز بیر کیتابدان چوخ سوزی وار
    بیزلری اینجه و یادیرقامیش گچمیشیمیزه قیتریب و دوشونمییه مجبور الییرسیز
    سیزین یارادیجیلیغیز بیتمز باغلانماز کسیلمز
    یول لاریمیزین قاباغی باغلانسادا و سد اولسا ینی یوللار تاپیلیب بیر سیلتکین قاباغینی آچیب و یویوب تمیزلیه جک
    سیزین کیتابلاریزی صبیرسیزجه گوزلوریخ

  2. سارا دئییر:
    خزل آیي ۲۲-ي, ۱۳۸۹ چاغ ۶:۵۳ آ.خ

    بونلار یالنیشلیق ایله هردن اؤزلرینی تعریفلیهن بسیجی بلاقلارینی دا فیلتئر ائدیرلهر. آنجاق فیلتئر نهدی کی. فیلتئر اولاندا نه اولار؟ یوز جوره بیر مطلبی یایماق اولور. سیزین بلوقونوزون آر.ایس.ایس لینکی بودور http://www.hbayat.azerblog.com/feed
    بو لینکی چوخلو برنامه-لر و سایتلاردا یئرلهشدیرمهک اولار. و بئلجه بو بلوقو اوخوماق اولار. (یازیلارین آردینی باشقا لینکده(اؤز صحیفهسینده) اوخوماغا قویماساز آر.ایس.ایس فیدی ایله هامیسین اوخوماق اولار بیر یازینین)
    هم بو بلوقون آرشیوینی اگر چیخاردساز باشقا بیر سئرویسده داها راحات یازا بیلَرسینیز. مثلا ووردپرس.کام دئمک اولار کی فیلتر اولماز. چونکی https امنیتی پروتوکولوندان دا یارارلانیر. یانی http قاباغیندا بیر s یازاندا فیلتئر گئدیر ایشینه.
    اؤنهملی اولان یازینین وار اولوشودور. وب ۲ صحیفلرینده یاییلماسیدیر. آر.ایس.ایس فیدینین اوزولریدیر.
    ائله بوردا دا گونجهللهنسهز یازینیز بوتون اینتئرنتی دولاشار.

  3. جواد دئییر:
    خزل آیي ۲۳-ي, ۱۳۸۹ چاغ ۶:۰۲ گ.ؤ

    سلام .

    بو سایت بیزیم ایچین بیر گوزل یئر و کولتوروموزن ، تاریخیمیزین و ان اؤنملی سی آنا دیلیمیزین دوراغی ایدی . آلما یولون گونجل اولماماسی چوخ زور . منیم ایچین آلما یولو ایلک سئیر نقطه سی ایدی . اینشاالله یولونوز آچیق اولسون . تشکورلر آلما یولو …

  4. links for 2010-10-15 « تورکوک بیز Türkük Biz دئییر:
    خزل آیي ۲۳-ي, ۱۳۸۹ چاغ ۱۰:۳۱ گ.ؤ

    […] و نهایت آلما یولونو کسدیلر […]

  5. ذوقی دئییر:
    خزل آیي ۲۴-ي, ۱۳۸۹ چاغ ۳:۴۸ گ.ؤ

    إنا لله و انا الیه راجعون
    سایین یازار، شاعیر و آراشدیریجی دوستوم سید حیدر بیات جنابلاری!

    یاراتدیغینیز تورک ادبیات اوتاغی، پیام قم هفته‌لیگی‌نین تورکجه صفحه‌سی و مقدس اردبیلی اوجاغی و بیر نئچه وئبلاق‌لارینیزین قاپادیلمالاریندان سونرا، بو اینترنت دوشرگه‌نیز “آلما یولو”نون قاپادیلماسی‌نین دا شاهیدی اولدوق. آذربایجانین اولوسال شاعیری رحمتلی بولوت قاراچورلو دئمیشکن، نه یازیق کی بیز “یاساق طالع”‌لرله یاشامی سوردوک و هابئله بؤیوک شاعیر،‌ حبیب ساحیر نه یاخشی بو سؤزو آچیقلامیش کی: هامی آزاده ائلین شاعیری وار/ من، اسیر ائل‌لرین آه شاعیری‌یم.
    ×××
    باشینیز ساغ اولسون به‌ییم!
    گونشین قیزیلی ساچاقلارینی، قارا قانادلارییلا یاساقلایان یاراسالار نه بیلیرلر، بو لامکان جئویز آغاجی دئیلدی کی بالتا ایله قوپارسینلار، دوشونجه اوزاییندا بیر سامان‌یولو دنگه‌سی “آلمایولو”دور. اوره‌ک‌لرده سئوگی‌لری پایلاشان، قیزیل آلما سیرلارینی آچان دوشونجه، سئوگی و اؤزگورلوک یولودور. دونیا وارکن آشنی قالاجاق، یاشایاجاق و دوشونجه ساچاجاق. یوخ گؤزلری گؤتورمه‌ین کوراشه‌په‌لک‌لر، کوراولاسی گؤزلرینی یومسالاردا، یاراتدیغینیز آرین دوشونجه آلانی‌نین ایشیقلاری دالغالاناجاق و آیدینلاداجاق.

    جبران خلیل جبران دئمیشدی: “قیزیل گولو آیاق آلتیندا ازه بیلرسن آنجاق اونون خوش ایی‌نی نئجه آرادان آپارا بیلرسن”. ایندی ایسه آلمایولو دوشرگه‌لرسینی باغلایا بیلرلر آنجاق اونون دوشونجه‌سینی نئجه یوخ ائده بیلرلر؟! دئمک قارانلیق یالنیز ایشیقدان قاچا بیلر، اونو بوغا بیلمز.
    نه ایسه، گونده‌لیک‌لردن محروم قالان بیر اولوسون قارا ایللرینده، دوشرگه‌لرده اونلاردان و اونلارا یازدیغینیز باشاری‌یا اوغورلار اولسون و الینیز قولونوز آغریماسین.
    و نهایت باشینیز ساغ اولسون خانیم هئی!

  6. سيد حيدر بيات دئییر:
    خزل آیي ۲۶-ي, ۱۳۸۹ چاغ ۲:۳۳ گ.ؤ

    دوستلارین هامیسیندان تشککور ائدیرم. بیر سیرا دوستلار بس بیزیم کامئنت لره نییه یاییملانماق ایذنی وئرمیرسیز دئیه سوروبلار. اصلینده فیلترینگ مسئله‌سی سبب اولوب اونلارین کامئنت‌لری بیزیم الیمیزه چاتمایا. بوندان دولایی فیلترینگ ائدن‌لرین یئرینه دوستلاردان عوذور دیله‌ییرم.
    آيریجا سایین سیامک بی، سایین آیدین ک بی، سایین عابباس بی و سایین اسدالله امیری‌ آلما یولونون فیلتر اولماغینا اؤز دوشرگه‌لرینده تپگی گؤستریب‌لر. بو دوستلارا اؤز سایقی‌می بیلدیره‌رکن، اومارام بو دوه اونلارین قاپی‌سی‌نین اؤنونده یاتمایا.
    —
    کامئنت‌دن سونرا: دوغروسو آلمایولو باغلاناندان سونرا دؤرد بلوقچی یولداشین اؤز بلوقلاریندا و اؤز دیلیمیزده گؤستردی‌یی تپکی‌لر یامان ماراقلی‌ ایدی. یانی فکر ائدیرم مثلن آیت الله شیخ اسدالله بیاتین سایتی باغلاناندا دؤرد تحلیلی یازی یازیلمادی. آیریجا بو یازیلارین باشقا بیر اؤزل‌لی‌یی ده وارایدی. تقریبا هئچ کیم دویغوسال چیخیش ائتمه‌میشدی. هر کس اؤز روحیه‌سی و دوشونجه‌سی اساسیندا یول گؤسترمه‌یه چالیشیب مسئله‌نی تحلیل ائتمیشدی. یازیلاردا شوونیسته فیلانا یامان یاووز یازیلمامیشدی.
    بو ساغلام دوشونجه‌لی دوستلاری و ساغلام اورتامی گؤردوکده اینسانی سئوینج بورویور. اگر بو ساغلام اورتامدا من ده یاشاییرام سا، نه موتلو منه.

  7. Ali دئییر:
    خزل آیي ۲۸-ي, ۱۳۸۹ چاغ ۸:۱۲ آ.خ

    سلام یولداش.
    چوخ تاسوفله بو یازینیزی بویون گوردیم و اوخودیم. آمما منجه بوجور نظریمه گلیر کی هر نه شکیلده اولسادا وبلاگیزا و وب سایتدا یازماقیزا دوام ورین. هم ایران دا چوخلی آداملار فیلترلرین رد اولماسین بولوبلر و هم بو کی ایرانین اشیگینده ده چوخلی آداملار یازیلاریزی اوخویوب و آختاریرلار کی من ده اولارین بیری اولورام. هر حالدا ساغ و اسن قالین.

  8. دومرول دئییر:
    خزل آیي ۲۹-ي, ۱۳۸۹ چاغ ۸:۱۷ گ.ؤ

    یازیق بو قورخاق اولکه و سیستم کی بله بیر سایتادا دوزه بیلمیر و اونو باغلاییر. بله باغلاماقلار گوجدن ده ییل، بلکه بو سیستم بو باغلاماق لار ایله، اوزون ده فیلتر اله ییب باغلاییر. یازیق بو قورخاق سیستم.

  9. زنگانلی دئییر:
    قیروو ۱-ي, ۱۳۸۹ چاغ ۶:۲۸ گ.ؤ

    فحشنامه ی عارف قزوینی منشر شد

    خاطرات عارف قزوینی با مقدمه ی ایرج افشار توسط انتشارات سخن به قیمت ۱۵۰۰۰ تومان منتشر شده است. افکار فاشیستی و نژاد پرستانه عارف قزوینی در اشعارش بر کسی پوشیده نیست. اندکی از پستی و زشتی افکار و اعمال عارف قزوینی را پیشتر دکتر جواد هیئت در ضمن نوشته یی بیان کرده بود. و اینک با انتشار خاطرات عارف قزوینی سند دیگری از پستی این کوته فکر شونیست فارس آشکار می شود. خاطرات وی که ما از آن با عنوان « فحش نامه ی عارف قزوینی » یاد میکنیم سراسر توهین به ترکان است که برای نمونه فقط به یک مورد اشاره میشود.
    در صفحه ۱۱۴ از این کتاب عارف قزوینی نوشته است :
    بدبختی زنان ایرانی را یک داستان جداگانه در خور است. بدبختانه یک قسمت از زن هایی که پی به بدبختی خود برده یا می خواهند ببرند ، از آن هایی که ندانسته و نفهمیده اند هزار بار بدبخت ترند . چون زن و مرد این ملت مقلدند .آن هم مقلد چیزهای بد و غلط . کار به آن ها ندارم ، نقدا سر و کارم با جیران ( زن صیغه ایی آذربایجانی عارف قزوینی ) است. و من او را از بیشتر زن های بدبخت ، بدبخت تر می دانم . حالا که روزگار خوشبختی اوست . همین بس که آقای او منم .
    در خریت هویت است ورا
    دیپلم در خریت است ورا
    زندگانی با خر ( اشاره عارف به زن خود که از ترکان آذربایجان است ) کار مشکلی است. و هر چند اخلاق خوب او باعث شد که بار خریت او را بکشم. دروغ نمی گوید ، دزد نیست ، صمیمی است ، حقیقتا نجیب ، با علاقه ، با گذشت . سیما و صورتش همچون زبانش زننده است ولی شرط اول من با او این بوده که ترکی صحبت نکند و …..

  10. ARAZ دئییر:
    دوندوران ۹-ي, ۱۳۸۹ چاغ ۱۲:۱۲ گ.ؤ

    sağqlun qardaşlar bizim ümidimiz yalnız azadlıqadır yaşasın azadlıq

  11. ARAZ دئییر:
    دوندوران ۹-ي, ۱۳۸۹ چاغ ۱۲:۱۶ گ.ؤ

    sağqlun qardaşlar bizim ümidimiz yalnız sizlərədı

  12. يئل چي آرمان تشكيلاتي دئییر:
    بوز آیي ۴-ي, ۱۳۸۹ چاغ ۸:۴۶ گ.ؤ

    عزيز يولداشيم سيز ياشامالسيز! ميلتيميز اوچون ياشامالسيز

گؤروشلر