EYVAZ TAHA - ایواز طاها
RIZA HƏMRAZ رضا همراز
ƏLIMÜHƏMMƏD BƏYANI علی محمد بیانی
هادی قاراچای- HADI QARAÇAY
« تورکوموز قوتاردی بابا | آنا یارپاق | این مرده ریگ چنگی به دل نمیزند / سید حیدر بیات »
اؤزموزدن خبرسیزمیشیک بیز / ایواز طاها
قوراپيشيرن ۲, ۱۳۸۹
اوستاد علی قافقازیالینین ” ایران تورکلری” اثرینه بیر باخیش
(Ali Kafkasyalı, İRAN TÜRKLƏRİ, İstanbul, Bilgəoğuz, ۲۰۱۰)
تورکیستان ایله تورکیه آراسیندا اؤنملی بیر کئچیش بؤلگهسی اولان ایران جوغرافیاسی تاریخ بویونجا اولدوغو کیمی، ایندی ده تورکسویلو اینسانلارین چوخلوقدا اولدوغو، اکثریتین تورکجه دانیشدیغی، تورک مدنیتینین جانلی بیر شکیلده یاشادیغی قدیم بیر تورک یوردودور. نه یازیق کی، تورکیهنین، حتتا تورک دونیاسینین، ایران تورکلویو حاققیندا یئترلی بیلگیسی یوخدور. حالبوکی بونلار تورکیه و تورک دونیاسیندا جیددیتله دیرلندیرمهلیدیر. بو تاریخی بیر مسئولیت اولدوغو قدهر تورکلویون گلهجهیی اوچون ده چوخ اؤنملیدیر.
یوخاریداکی جوملهلری ائحتیوا ائدن اوستاد علی قافقازیالینین “ایران تورکلری” اثری بؤیوک بیر زحمتین نتیجهسیدیر. دوغرودور گونئیده اوستاد یحیا شیدانین “ادبیات اوجاغی”یندان باشلانمیش ایریلیـخیردالی بیر نئچه آنتولوگییانین شاهیدی اولموشوق. آمما اوستاد قافقازیلی بامـباشقا بیر کیتاب اورتایا قویموشدور. هم مئیدانی، هم ده نظری گئنیش آختاریشلارین سونوجوندا یازیلمیش “ایران تورکلری” کیتابی ایران آدلانان چرچیوهدهکی بوتون تورک ائللرینین مدنیـبدیعی گؤرونوشونو جانلاندیرمیشدی. کیتابدا یئر آلان تورک دیللی ادبیات و اینجهصنعت بارهسینده هئچ بیر آنالیز گئتمیر، اثرلرین بدیعی سئچکینلیکلری یئترینجه اوزه چیخمیر. آمما کیتابین آماجی بو دئییل، یازار ییغجام ائنسیکلوپئدیک بیلگیلری تاریخی آردیجیللیقلا چاتدیریراراق، خیردا ساحهلی آراشدیرمالارا بؤیوک یول آچیر.
کیتابی حیاط قاپیمین آستاناسیندا پُستچودان آلارـآلماز قورویوب قالدیم. ایری حجملی بیر اثرله قارشیلاشدیغیمدان شاشیرمامیشدیم، اونو واراقلایارکن حئیرتدن گؤزلریم کلهمه چیخمیشدی. ایشیق سورعتی ایله ایرهلی شوتوین بیر دونیادا، یئددی یوزدن آرتیق یازیلی، اوندان دا آرتیق جانلی قایناغا سؤیکهنن مین صحییفهلیک بیر کیتاب بو سادهلییه یازیلا بیلمزدی. علمی یئتکینلیکدن علاوه سارسیلماز ایراده و بؤیوک واخت ایستهییر. کیتابدا البته چاتیشمازلیقلار و کیچیک یانلیشلیقلار دا واردیر. اؤرنهیین کیتابدا بعضی چیخیشلارین و بیلدیریشلرین تام متنی گئدیب، حتتا بوتون ایمضالارین وئریلمهسی اونودولماییب. بونلارین اساسیندا مدنیـ ایجتیماعی دوروم آنالیز ائدیله بیلر، بیلدیریشلرین متنی اتک یازییا و یا داها یاخشیسی آرتیرما کیمی کیتابین سونونا کؤچوروله بیلردی.
گومان ائدیرم اوستاد علی قافقازیالی سؤیلهدییی تاریخی مسئولیتین عؤهدهسیندن گلهرک بیزی اؤزوموزله یئنیدن تانیش ائتمیشدیر. اللری آغریماسین.
بؤلمه لر: خبر و تحلیل |
قوراپيشيرن ۳-ي, ۱۳۸۹ چاغ ۱۰:۱۸ گ.ؤ
دوغرودان اللری آغریماسین.
حیدر بی، “یاکوب کادری” نین “کاریبه” آدلی رومانینا گؤره بیلگی وئره بیلرسینیزمی؟
قوراپيشيرن ۳-ي, ۱۳۸۹ چاغ ۱۰:۳۰ گ.ؤ
[…] اؤزموزدن خبرسیزمیشیک بیز / ایواز طاها اوستاد علی قافقازیالینین ” ایران تورکلری” اثرینه بیر باخیش […]
قوراپيشيرن ۶-ي, ۱۳۸۹ چاغ ۵:۴۱ گ.ؤ
سالام
بو یازی سید حیدر بیات-ین می
ایواز طاها-نین می؟
—
سالام
بو قونودا یازماق منه ده بورج ایدی. آنجاق ساغ اولسون دوکتور طاها دادیمیزا چاتدی
قوراپيشيرن ۶-ي, ۱۳۸۹ چاغ ۸:۰۷ آ.خ
دوکتور طاها اؤز دادینا چاتدی ! سیزین بورجونوز یئرینده . او کیشی زحمت چئکیب «ایری حجملی بیر اثر» یازیب آنجاق بوردا تانیتیمی ساده جه بیر یازی اولسون مو ؟ لوطفا بورجونوزو اؤده یین !
بیزیم ده بورجوموز سیزین یازدیقلارینیزی اوخوماق دیر !
قوراپيشيرن ۸-ي, ۱۳۸۹ چاغ ۵:۲۱ آ.خ
چوخ گؤزل یوروم دولار.
منده جاواد بگ بویوردوغو سؤز ایله وارام!
قوراپيشيرن ۹-ي, ۱۳۸۹ چاغ ۷:۴۲ آ.خ
آغا ایندی کی بئله اولدو من ده جواد بیگین سؤزایله موافقم!
حیدر بیگ وبلاگیما بیر باش وور.
قوراپيشيرن ۱۰-ي, ۱۳۸۹ چاغ ۷:۵۲ آ.خ
بیلمیرم قشقایی لار حاقینده ده او کیتابدا هئچ شی یازیلمیش یا یوخ
—
کیتابین آدیندان بللی اولدوغو کیمی بوتون ایران تورکلرینه عایید و اونلارین یازارلاری و موزیک لریله باغلی معلومات وئریلیب دیر.
قوراپيشيرن ۱۲-ي, ۱۳۸۹ چاغ ۷:۰۰ آ.خ
سلام
شما در این خلوتکده ی عشق هر جمعه
میهمان زلالی تازه هستید
( یک زلال فارسی - یک زلال ترکی )
به غیر از اینجا هر جمعه میهمان وبلاگ غزلهایم در آدرس زیر باشید:
کلیک: http://www.dadabilverdi.blogfa.com/
الهی نامه ( زلال پیوسته )
یارب آگـاهـم کـن
خویش را راهبر ِ راهم کن
روز و شب محرم ِ داغ ِ دل و اسرارم باش
ظلم را منهدم ِ آهـم کن
آنچه میخواهم کن…
قوراپيشيرن ۱۵-ي, ۱۳۸۹ چاغ ۵:۱۳ آ.خ
چوخ ساغولون
گوزل بيز كيتابي معرفي ائديب سيز
قويروق دوغان ۲۲-ي, ۱۳۸۹ چاغ ۶:۳۳ آ.خ
جاواداجان زورخانانین قیراقیندا اوتوروب بادالاغ آت دئیرسن. سن ده اوزون قلم آلیب یاز دا. هاردان یازماق تکجه اوستاد طاها کیمی لرین بورجو الدو.
دوندوران ۱۶-ي, ۱۳۸۹ چاغ ۶:۵۳ آ.خ
men bu kitabı döktür beyin özünden aldım
çox deyerlidir
bunu da deyim ki
Ali QAFQAZYALI güney Azerbaycan’ın en böyük müdafiidir türkiye’de
Ankara’nın Dil-Tarix fakultesinde
Güney haqqında danışıgını bölüm başkanı nece yarımçıq qoydugunu görenler unutmazlar sanıram
Ellerinden öpürem deyerli ustadımızın…