EYVAZ TAHA - ایواز طاها
RIZA HƏMRAZ رضا همراز
ƏLIMÜHƏMMƏD BƏYANI علی محمد بیانی
هادی قاراچای- HADI QARAÇAY
« پئشه | آنا یارپاق | اؤزموزدن خبرسیزمیشیک بیز / ایواز طاها »
تورکوموز قوتاردی بابا
قیزاران ۲۸, ۱۳۸۹
دونن تئلفون دا بارات بهی فتحاللهی ایله دانیشیردیم. دئییردی:
«نوبراندا (ساوه ایله همدان آراسی بیر تورک شهر) پمب بنزینده دایانمیشدیم. نئچه جاوان بیربیریله تورکو دانیشیردیلار. بیردن دؤندردیلر فارسییا.
دئدیم: هه، یاواش یاواش نوبران مرکزلشیر، سیزده کیلاس قویوب فارسی دانیشیرسیز.
جاوانلارین بیریسی دئدی: تورکوموز قوتاردی بابا، نه کیلاسی؟!»
**
دوغرودان مسئلهیه درین فیکیرلشنده ائلهدیر، اینسانین تورکوسی قورتاریر. مثلن فوتبال مسئلهسینه بیر دوشونون. ذهنیمیزه فوتبالا عایید بوتون کودلار فارسجا وئریلیبدیر. اویدو کاناللارینا باخمایان کیمسهلر بو گونه کیمی بئله یاریم ساعات دا تورکجه فوتبال راپورونو گؤرمهییبلر. اؤزلجه آذربایجانین دوغوسوندا یئرلشن اوستانلار و شهرلرین دورومو بو باخیمدان داها گرگیندیر. تورکجهمیز گئدیب بئیینلرین بوجاغیندا یاشاییر. هردن فقط ایکی نفرین آراسینی (مثلن بؤیوک ننه ایله نوهنین) ساغلاییر.
یانی یالنیز سؤزجوک مسئلهسی دئییل، دیلین آرخاسیندا اولان کولتور نسیلدن نسیله تاپشیریلمیر. یئنی یارانان ساحهلر (مثلن فوتبال) موطلق تورکولشمیر، فارس دیلینده مئدیالاردان یاییملانیب توپلومدا اؤزونو یئرلشدیریر. بورادا دای اینسانلارین تورکوسو قوتولور. چون کی دیل یالنیز سؤزجوک دئییل، بلکه اینسانلارین دوشونجه و خیال دونیاسینی یارادان و گؤستره بیلن بیر ایمکاندیر. بوشونا دئییل کی عرب دیلینده نطق سؤزجویو هم دوشونمک قووهسی هم ده دانیشیق قووهسی آنلامینی داشیییر. و قدیم منطیقچیلره گؤره اینسانی باشقا حئیوانلاردان آییران اونون ناطیق اولماسی دیر. و ایسلام فلسفهسینده اینسانا حئیوان ناطیق دئییلیر.
سید حیدر بیات
بؤلمه لر: گوندهلیک یازیلار/ یادداشتها |
قوراپيشيرن ۱۳-ي, ۱۳۸۹ چاغ ۳:۰۷ آ.خ
من قاباقجا ده يرديم كي پس فارسيم قورتارار، آمما ايندي بو يازي ايله گورورم كي دوغرودان چوخ كلمه لري و گرامري فارس اوسلوبوندا ايشلتيرم.! آللاه بيزيم كيمين آسيميله اولان لارا نظر اله سين.!
قوراپيشيرن ۳۱-ي, ۱۳۸۹ چاغ ۱۰:۵۴ گ.ؤ
با سلام.میخواستم به عرض برسانم در ۱۰ کیلومتری همین نوبران شاعر ترک زبان حکیم تیلیم خان مدفون می باشد و تا وقتی که ما اهالی قاراقان پشتوانه ای چون تیلم خان داریم زبان مادریمان را از دست نخواهیم دید.یاشاسین مدنیتله و بویوک آذربایجان
زومار آیي ۲۱-ي, ۱۳۸۹ چاغ ۱۰:۳۱ گ.ؤ
یاشاسین آزاد تورک حالکی. یاشاسین آذربایجان.آنا یوردوم آذربایجانیم یانلیز دورسین.