سون یازیلار

سون گؤروشلر

آرشیو


« حکایت ما و حکایت ما و حکایت ما و حکایت… / سید حیدر بیات | آنا یارپاق | يول سٶزلري (ايكينجي بولوم) / دوکتور حسن – م. جعفرزاده* »

يول سؤزلري (بیرینجی بؤلوم) / دوکتور حسن – م. جعفرزاده*

قیزاران ۲۳, ۱۳۸۹

 dr-ceferzade.jpg

سون بير ايلده تهراندا و آذربايجاندا چئشيتلي اوْتومبيللرده گؤردويوم توركجه يازي‎لار ديقتيمي چكمه‎يه باشلادي. بو يازي‎لاري گؤره بيلديگيم قدري ايله قئيد ائتمگه چاليشديم.بليرلي بير توپلويا اولاشان بويازيلارين تصنيفي‎نين و يوروملانماسينين فايدالي اولاجاغيني دوشوندوم.كاميون، ميني‌بوس و بنزئر تيجاري و يوك آراجلاردا گؤرودويوموز فارسجا يازي‎لاردان باشقا توركجه يازي لارين ايران اوچون آيري بير اؤنمي واردير. بيلينديگي كيمي ايراندا تورك ديلينين تدريسي و حتا اونيورسته‎لرده ليسانس سويه‎سينده اؤيرديلمه‎سي ياساقدير. پهلوي دؤنمينده توركجه‎نين خالق آراسيندا دانيشيلماسينا و اؤزليكله يئني يئتمه‌لره اينتبقالينا يؤنه‎ليك رسمي باسقي‌لار ايسلام دئوريميندن سونرا بيراؤلچوده آزالميش گؤرونسه‎ده، پان فارسيست باسقي‌لار هله‎ده دوام ائتمكده‎دير.آشاغي‎دا ليسته سيني سوندوغوموز بو يازيلاري اينجله ديگيمزده ايلك آندا گؤزوموزه چارپان شئي ايران توركلرينين دويغو و اؤزلملريني آناديلده سؤيله‎مك خوصوصوندا گؤسترديكلري اؤزه ندير (اعتنادير).ايكينجي بير خوصوص توركيه‎نين و توركيه خالق كولتورونون دوغــال شكيلــــده آذربايجانــا سيزماسي‌دير:

“بيرتانه‎م، سني گوردويوم زامان دوُرور بوتون زامانلار، امراه، ببگيم منيم”

عبارتلري ايران توركلري اوچونده تانيش سؤزلردير.يازي‎لارين بير قيسمي يورد و توركولوك سئوگي‎سينه ايشارت ائتمكده‎دير:“ياشاسين آذربايجان، آذربايجان سالاري، هر زامان شاد ياشا بؤيـوك آذربايجانيم، قوربان تبريزدن باكي يا جاق، حيدربابا مرد اوغوللار دوغگينان.”يئر- يئرده يورد سئوگي‎سي محلي مقياسدا ترنوم ائديلمكده‎دير:“اوُرمو اوغلويام، سولدوز، آنا يوردوم گوگان، گؤزل تبريزيم”گئنيلليكله تيجاري آراجلاردا گؤرونن بو يازي‎لاردا سوًروجولر حياتين زورلوقلاريني اؤزلملريني، انديشه‎لرينده قيسا و اؤز سؤزلرله ديله گتيرمگي إهمال ائتمه‎مكده‎ديرلر:“دونيا خسته‌سي، گيلئييم وار بو فاني دونيادان، چؤرك آغاجي، گئجه‌لر سيرداشي ، چوخلوگزديم ياشاديم- غوربت‎ده ياشايانلارا باخديم آغلاديم.”يازيْ لارين بوًتون اينجلمه‎سينده حيات ساحه‎سي‎نين دارالديلماسينا يؤنه‌ليك بوتون باسقي‌لار رغماً توركجه نين جانليليغيني قوريا بيلديغي گؤرونمك‎ده‎دير.آنجاق بو تثبيت “نه زامانا قدر؟” سوروسونو سورروشماميزا انگل اولماماقدادير.هر حالدا اوْتومبيل‌لرده بعضي كلمه‌لر يانليش يازيلميشدير اوْنلارين دوغروسو كوروشه آراسيندا قئيد اولوبدور. آناديلينده تحصيل آلمايان كوتله‌نين ، يابانجي ديلين تأثيري آلتيندا توركجه كلمه‌لرين اونلارين بئيينلرينده نئجه ناخيش باغلاديغيني گؤسترير. نئچه سؤزده لاتين اليفباسييلا يازيلمشدير و اونلار ديرناق آراسيندا قئيد اولوبدور.آنجاق بئله بير اثرين توپلانيب حاضيرلانماسي اوْچون اوْزون زامان و چوخلو موسافيرت لازيمدير و بو ايشين آردي هر زامان آچيقدير.یول سوزلری – بیرینجی بواوم

اوتومبيل‌لرين نوعو

سؤزلر
پيكان گؤزله مني
پيكان الله [آللاه] سنه توكول
پيكان    (تيلفوني تاكسي)   ياشاسين آذربايجان
پيكان (emrah)امراه
پيكان (تيلفوني تاكسي) سئودا
پيكان آراز
پيكان سارا
پيكان ماهني
پاترول دونيا تورك‌لر بيرليگي
جيپ قافلان
جيپ جئيران
ني‌سان ساوالان
ني‌سان آتام يادگاري
ني‌سان دنيا [دونيا] خسته‌سي
ني‌سان گجه‌لر [گئجه‌لر]
ني‌سان گيلئييم وار بو فاني دونيادان
ني‌سان اويله باخما خمار [خومار] گؤز
ني‌سان مدد علي اوغلي ابوالفضل
ني‌سان چؤرك آغاجي
ني‌سان يامان آيريليق
ني‌سان آنا يوردوم عزيز آذربايجانيم
ني‌سان آذربايجان گليني
ني‌سان آذربايجان سالاري
رنو سلام اولو آذربايجان
خاور بئنز ياشايشيم يالنيز سنين اوچوندور
خاور بئنز سنسيز ان ياخشي
خاور بئنز اورمو اوغلويام
خاور بئنز سولدوز
خاور بئنز سولماز
خاور بئنز علي درويش‌لر آتاسي
خاور بئنز بيرتانم (بيرتانه‎م)
خاور بئنز بلاليم
خاور بئنز خوش باخ خمار [خومار] گؤز
خاور بئنز آنا يوردوم آذربايجان
خاور بئنز هر شئيه سنسيزليگينده بير ديل وار-تك‎ليك ديركي يانيرسان ديل‎سيز
خاور بئنز چوخلو گزديم ياشاديم-غوربت‎ده ياشايانلارا باخديم آغلاديم
خاور بئنز بكله مني
خاور بئنز آيريليق
خاور بئنز آچار- سولار
خاور بئنز آنايوردوم گوگان
خاور بئنز ساوالان مارالي
خاور بئنز الهي [ايلاهي] اينتظار گؤزلري آغلار قويما
خاور بئنز اميديم [اومودوم] سنسن خاليق
خاور بئنز …اؤلوم‎ده وار
خاور بئنز سنين آديوا [آدينا] بيمه يازديم اي ابوالفضل
خاور بئنز يالان دونيا
خاور بئنز شكسته [شيكسته] كؤنول
خاور بئنز گؤزليم آتما مني گئدرم تك قالارسان
خاور بئنز هر زمان شاد ياشا بؤيوك آذربايجانيم
خاور بئنز صاباحا قدر…
خاور بئنز آسلان
خاور بئنز آخي سن ني يه [نييه]
خاور بئنز بئبئيم [ببگيم] منيم
اسكانيا دنيزلي
ليلاند تؤرك اوغلانين عشق آراباسي
اتوبوس يول‎لار يورگوني [يورغونو]
اتوبوس اولسون سن‎ده گل اما [امما]…
اتوبوس گوگوش [قوقوش]
اتوبوس سني گورديوم زامان دورو بوتون زامان‎لار
اتوبوس كدرلنمه سن‎ده گوزل‎سن-ياخشي  ‘اوزون آچيلماسين
اتوبوس  گؤزمه گؤزون قاداسي اوگؤزه نظير گؤز وار- نه منيم گؤزوم او گؤزده نه قدر او گؤزدهگؤز وار
اتوبوس تؤرك اوغلان عشق آپاراسان
اتوبوس گؤزل
اتوبوس (ORTA DOĞU) اورتا دوغو
اتوبوس گئجه‌لر سيرداشي
اتوبوس (YAKSI YOL) ياخشي يول
اتوبوس ظاليم، من ده بير اينسان اوغلويام
اتوبوس قربان [قوربان] تبريزدن باكي ياجاق 
اتوبوس هر يرده [يئرده] هر زماندا [زاماندا] سن ايچ(تهران بلديه اتوبوسو) “سن ايچ فابريكاسينين ركلامي”
اتوبوس آخشام لار
ميني‌بوس محمد امين آتا
ميني‌بوس گؤزل تبريزيم
ميني‌بوس آز ياشا، اينسان ياشا، آزاد ياشا
ميني‌بوس سلام جيران [جئيران]
ميني‌بوس تيكيليب گؤزلريم گئدن يولا-كؤنولوم [كؤنلوم] باغيندا سني گؤزلريم (ساري بولبول)
ميني‌بوس ماوي گؤزلي [گؤزلو]
ميني‌بوس كيم‌لره قالدي دنيا [دونيا]
ميني‌بوس خوش باخ خومار گؤز-يانسين يامان گؤز
ميني‌بوس … افسانه دير
ميني‌بوس يالان دونيا
ميني‌بوس يالان
ميني‌بوس دنيادا [دونيادا] منيم پايئيم [پاييم] آيريلقيدي
ميني‌بوس خومار گؤزلر-يول گؤزلر
ميني‌بوس داداش ياواش

 * مقاله درشماره ي ۳۱۵ (۵/۷/۱۳۸۲ “نويد آذربايجان ” –  نشريه ي آذربايجان (آنكارا ) شماره ي ۳۵۲ سال ۲۰۰۴ – و سايت هاي تريبون – ۲۱۱/۹/۲۰۰۳ ) – گجيل (ارديبهشت ۸۴) و “اورين خوي ” وسايت ” داش بولاق ” به چاپ رسيده است .  

بؤلمه لر: ادبیات |

بیر گؤروش یازی: “يول سؤزلري (بیرینجی بؤلوم) / دوکتور حسن – م. جعفرزاده*”

  1. ergevan دئییر:
    قوراپيشيرن ۲۴-ي, ۱۳۸۹ چاغ ۴:۵۹ آ.خ

    nə yazım kardeşim
    size can salığı
    ərğəvan

گؤروشلر