سون یازیلار

سون گؤروشلر

آرشیو


« “el dili və ədəbiyyatı”nın Rəqəmsəl arxivi Hazırlandı / Mostafa rəzzaqi | آنا یارپاق | پیام خانم “ایرینا بوکووا” دبیر کل یونسکو به مناسبت ۲۱ فوریه ۲۰۱۰ روز جهانی زبان مادری »

روملو امیر ارسلان داستانی / قیسالدانلار: مصطفی رزاقی - لیلا مرادی

بوز آیي ۲, ۱۳۸۸

روملو امیر ارسلان داستانی / قیسالدانلار: مصطفی رزاقی - لیلا مرادی

داستاني PDF فورمتينده اوخوماق اوچون بورايا كليك ائدين.

اؤن سؤز: بو داستان «امیر ارسلان ترکی» آدی ایله آذربایجان معارف نشری طرفیندن چاپ اولموشدور. چاپ تاریخی کیتابدا یازیلماییب. کیتابین دال قابیغیندا بئله یازیلیب: «آذربایجان معارف نشری مرحوم حاج حسن قمری‎نین بونیادی ایله تبریزده قورولوب؛ کئچن رئژیمین ایستیبداد و ظولمو سایه‎سینده سیخینتیلارا دوشوب و نئچه ایللر آجی گونلری تحمّول ائدیب و ایندی ایفتیخار ائدیر بو اصیل ایسلامی نئهضتده اینقیلابین سایه‎سین باشیندا گوروب اوز خیدمتینه ایدامه وئریر. بو باشقا کیتابلار تورکی دیلینده سیز آذربایجانین موسلمان قهرمانلارینا ایتحاف ائدیریک. ثعلبیه، راجی، لعلی، مختارنامه، فضولی، معجز، خاورنامه، حدیقه المومنین، ترکی مثللر، آنا دیلی».
بو کیتاب فارسجا امیر ارسلان‎دان ترجومه‎دیر. ترجومه فارسجانین تأثیرنده‎دیر. ایکی یئرده‎ ده مطلبی آدلاییبدیر. صحیفه ۲۲۰ ده ۶۵ صحیفه یئرده قالیب. صحیفه ۲۳۶ ده ۲۴ صحیفه یئرده قالیب.
زنجاندا بو داستان حاقدا بیر اینانج دا واردیر. دئییرلر بو داستانی سونا کیمی اوخوسان بیر بدبخت حادیثه اوز وئرر. هر ائوده بو داستان سونا کیمی اوخونسا او ائو خراب اولار. حورمتلی تدقیقاتچی زنجانلی سید حیدر بیات‎ین دئدییینه گوره کئچمیشلرده سونا کیمی اوخونماسین دئیه بو داستان کیتابی‎نین سون صحیفه‎لرینی قوپاردارمیشلار.
آشاغیدا بو داستانین خولاصه‎سینی تقدیم ائدیریک. خولاصه‎نین ایچینده بعضن اوزل نتیجه‎لر ده یازیلیب کی، شخصی نظردیر و اوخوجولار دا بو حاقدا اوز فیکیرلرینی اوزلری اوچون یازا بیلرلر. نتیجه‎لر داستاندان آیری حئساب اولماغینا گوره دیرناق آراسینا قویولوب. هابئله دوشن یئرلری فارسجا نوسخه‎دن ترجومه اولونوب خولاصه شکیلده وئریلیب.
هامی‎نین راحات فایدالانماسی اوچون بو یازی‎نین دیلی دانیشیق دیلینه یاخین یازیلیب.
***

داستاني PDF فورمتينده اوخوماق اوچون بورايا كليك ائدين.

بؤلمه لر: ادبیات, ناغیل, کیتابخانا |

گؤروشلر