« اميرعليشير نوائينين هئيكلي | آنا یارپاق | “el dili və ədəbiyyatı”nın Rəqəmsəl arxivi Hazırlandı / Mostafa rəzzaqi »
بوز آیي ۲, ۱۳۸۸
۱۳۸۶/۱۰/۹ بهزاد بهزادی نین ایل دونومو موناسییبی ایله
آلما يولو: ايرانين پايتاختي تهراندا ۱۳۸۰ – ۱۳۸۶ (ميلادي ۲۰۰۳ - ۲۰۰۸) ايللري آراسيندا نشر اولونان ” ائل ديلي و ادبياتي “ درگيسي نين رقمسل آرخيوي حاضيرلاندي. ۲۳ ساييدا بوراخيلان بو درگي ايرانين موختليف بؤلگه لريندن توپلانميش موختليف نؤولرده فولکلور مادده لريني ائحتيوا ائدير. ائل ديلي و ادبياتي ۱۳۸۱ (۲۰۰۳) ايلينده بؤيوک تدقيقاتچي و لوغتشوناس رحمتليک بهزاد بهزادي طرفيندن ياييلماغا باشلادي. درگي نين يئددي ساييسي موستقيل چاپ اولوب، باشقا ساييلاري ايسه آذري نشريييه سي نين ايچينده ياييلماغا داوام ائتميشدير. بهزاد بهزادي نين اؤلومو آذري نشريييه سي نين و طبيعي اولاراق همين نشريييه نين علاوه سي کيمي حياتيني سوردورن ائل ديلي و ادبياتي نين نشرينه سون قويدو. ائل ديلي و ادبياتي خالقيميزين فولکلور قوللاري نين اکثر حيصّه سيني اؤزونده عکس ائتديرميشدير. درگيده درج ائديلن ماتئرياللارين تفرروعاتي آشاغيداکي کيميدير:
| يئرلي سؤزلر |
لهجه لر حاقيندا آراشديرمالار |
باياتيلار |
تصنيفلر |
گرايلي لار |
آتالار سؤزو |
| ۳۶۳۱ |
۴ |
۶۳۴ |
۴ |
۶ |
۷۷۷۳ |
| درمان بيتگيلري حاقيندا |
آشيق ادبيیاتينا گؤره |
آلقيشلار |
قارغيشلار |
لايلالار |
اوخشامالار |
| ۲ |
۱۶ |
۱۴۶ |
۱۳۱ |
۲۲۱ |
۴ |
| اويونلار |
دبلر |
اينانجلار |
دئييملر |
هولاوارلار |
يانيلتماجلار |
| ۳۲ |
۶ |
۱۱۴ |
۱۰۸ |
۲۳ |
۵۰ |
| آشيق داستانلاري |
ناغيللار |
آندلار |
| ۶ |
۳۶ |
۹ |
بو توپلونون مقصدي، اوستاد بهزادي نين دئدي یي کيمي، يالنيز فولکلورون خام ماللاريني توپلاييب قوروماق ايدي؛ ائله بونا گؤره ده اونو اينجهلمه و آراشديرما وظيفه سي عاليملريميزين اوزرينه دوشور. توپلودا گؤرولن سابیقه سیز ايشلردن بیری اولاراق ” يئرلي سؤزلر “ کاتئقوريياسي نين فولکلور قوللارينا آرتيريلماسينا توخونماق اولار. يئرلي سؤزلر سؤزلوکده (ايضاحلي لوغتده) گلمه ين، موختليف بؤلگه لرده ايشلنن سؤزلردن عيبارتدير. بوندان علاوه توپلودا بيرينجي دفه اولاراق ايران آشيقلاري نين ايللر بوندان اول لئنته يازديقلاري داستانلار لئنتدن کاغيذا کؤچورولوب چاپ اولموشدور. ساده لي یينه باخماياراق بو ايش شيفاهي ادبيات خزينه ميزي يازييا آلماقدا باشاريلي اوصول لاردان حئساب اولونور. توپلودا چاپ اولان زنگان (زنجان) آشيق داستانلاري همين اوصوللا يازييا آلينميشدير. ايران تورکلري نين موختليف بؤلگه لري نين لهجه اؤزلليکلريني ثبت ائتمک ايشي ده بو توپلودا سيستئملي اولاراق اؤز يئريني تاپماقدا ايدي. بئله کي، توپلونون بيرينجي ساييسيندا اوستاد بهزادي نين آستارا لهجه سي اوزرينه يازديغي مقاله درج ائديلميشدير. اونون آرديندان خوراسان تورکلري و ايصفاهانين “فريدن” بؤلگه سي نين لهجه سي حاقدا مقاله چاپ اولدو. نهايت زنگان لهجه سي مقاله سي نين ايکي بؤلمه سي چاپ اولاندان سونرا اوستاد رحمته گئديب درگي باغلاندي و همين مقاله نين آردي ايشيق اوزو گؤره بيلمه دي. اوميد ائديريک بو توپلو ايران تورکلري فولکلورونون توپلانيب قورونماسيندا يارانان بوشلوغو آرادان قالديران چاليشمالار سيراسيندا مؤحکم آدديملاردان بيري ساييلاجاق.
۲۰۰۹.۹.۱۵
مصطفی رزّاقي ائل ديلي و ائدبيیاتي نين رئداکتورو
بؤلمه لر: خبر و تحلیل, فولکلور و ائل ادبیاتی |
گؤروشلر
EYVAZ TAHA - ایواز طاها
RIZA HƏMRAZ رضا همراز
ƏLIMÜHƏMMƏD BƏYANI علی محمد بیانی
هادی قاراچای- HADI QARAÇAY
بوز آیي ۶-ي, ۱۳۸۸ چاغ ۱۲:۳۶ آ.خ
[…] “ائل ديلي و ادبيیاتي”نين رقمسل آرخيوي حاضيرلاندي / مص… […]