EYVAZ TAHA - ایواز طاها
RIZA HƏMRAZ رضا همراز
ƏLIMÜHƏMMƏD BƏYANI علی محمد بیانی
هادی قاراچای- HADI QARAÇAY
« هائيتي (كاريكاتور) / القدس العربي | آنا یارپاق | “حيدربابا يه سلام” در ميشيگان آمريکا »
قازاقيستانلا زنگاندا اولان؛ اورتاق وارليق « ديلک داشي » / محمد رزاقي
چيلله ۲۵, ۱۳۸۸
۱۳۸۸ ايلين چيلله آيي (۲۰۰۹)، يعقوب دلي اؤمراوغلونون «تورکيستان» کيتابيني اوخورکن مني چوخ ماراقلانديران بو يازيلار: « زيروه ده (قازي قورت داغي) بير ايکي قولا دا خالق پارچالار باغلاياراق، اونلاري رنگ به رنگ ائتميشديلر. ديلک توتمانين بو شکليني بيليرديم. آما بير ده کيچيک داش پارچالاريندان اوست اوسته قويولاراق عمله گلن ييغينلار واردي. بونلار ديلک ديله ينلر طرفيندن ائديلميشدي. بونلار آباي ين آنلاتديغي ايدي. »
…
۱۳۸۷ جي ايلين ياي چاغي، گؤزلريمين اؤنونه گلير. آيازينان زنگانين « سونبوله » داغينا چيخيرديق. داغين زيروه سینده آياز بئله دئدي: « بير بالا داش اؤزوزله گؤتورون، زيروه ده قالاخلانان داشلارين اوستونه قويون. قويدوغوز چاغ، اورگيزده تانريدان بير ديلک ايسته یين» . آرازلا من بو ايشي يئرينه گتيرديک.
…
اينديسه قازاخلي ياشلي آباي ايله زنگانلي گنج آيازين اورتاق سؤزلري مني شاشيردير: «ديلک داش » .
بو ايکي کيشي نين بير بيريله بوگونکو گونده کسکين باغلانتيسيز اولدوغونو بيله رک، باشقا بير شئيي دوشونورم، گئچميشده اولان تورک وارليغي نين اورتاق اينام و سيمگه لريني.
اسکيدن گونوموزه قدر ياشايان کولتور.
کولتوروموزون اورتاقلاريني تاپديغجا، گوونجيم آرتير. قازاخلي ديلداشيما ايسته مزجه سينه گووه نيرم. اورک باغليرام. بير کؤکدن اولدوغوموز داها بللي اولور.
بئله ليکله آيري اورتاقلاري آراييب، کولتورل گوجلريميزي تانيمايا تله سيرم.
اتک یازیلار:
* قازي قورت داغي: قازي قورت اوغوزلارين اؤنملي يايلالاريندان بيريدير. دده قورقود، سالورقازان ايله قارشيلاشديغي داغ. بو داغ اؤزبکيستان سينيرينا چوخ ياخيندير.
* * قازاخلارا « نوحون گميسي هارايا اوتوردو؟ » دييه سورولسا هاميدان بير جاواب ائشيتمک اولار: « قازي قورت داغينا » .
* * * د لي اؤمر اوغلو، يعقوب. تورکيستان يسوي نين شهرينه يسييه دایير، باکي ۲۰۰۹.
بؤلمه لر: ادبیات, فولکلور و ائل ادبیاتی |
چيلله ۲۶-ي, ۱۳۸۸ چاغ ۱۲:۳۰ آ.خ
[…] قازاقيستانلا زنگاندا اولان؛ اورتاق وارليق « ديلک داشي … […]