سون یازیلار

سون گؤروشلر

آرشیو


« پوستر چهارزبانه عبدالله عبدالله در انتخابات رياست جمهوري افغانستان | آنا یارپاق | عربستان سعودی مواضع شیعیان را در یمن بمباران کرد »

عاشيق عرب، مؤلف و رولان بارت / سید حیدر بیات

قیروو ۱۳, ۱۳۸۸

بو ايكي آدين بير بيرينه باغلي‌ليغي اؤزومه ده ايلگينج گلير. آخشام چاغي بلوق‌لارين بيريسينده اوخويورام: عاشيق عرب ساز قاناديندا اوچوب بيزيم آراميزدان گئتدي.
عاشيق عربله تانيشيليغيم اوشاقليق ايل‌لرينه قاييدير. كنديميزين بير ميني‌بوسو وارايدي. اوسوب هميشه صبح ساعات سككيز ماشيني خوتلاييب زنگانا سورردي. او زامان ساواش زاماني ايدي. بيزيم كنديميزده موسيقي چوخ آز اولاردي. عاشيق علوسئن سازيني نه بيليم يانديرميشدي سينديرميشدي. بالابانچي موسلوم ‌ده بالابانيني حتمن اؤزل محفيل‌لرده چالاردي. – بونو سونرالار سئزديم -.
اوسوبون ميني‌بوسون‌دا اولان كيچيك ماشين ضبطي دئمه‌لي بيزيم اينجه صنعت اوجاغيميزايدي. عاشيق ناواري سالاردي.
او زامان‌لار عاشيق عرب بير اولدوز ايدي. اونون اوخودوغو داستانلار بيزيم كندده هامي‌دان چوخ سئويلردي. اوسوب‌ دا سوركلي اونون ناوارلاريني سسلنديرردي.
*
كنديميزين يانيندا بير كيچيجيك كند وارايدي. رحم آباد دئيرديك. اورادا علوي‌لر يا اهل – حق ياشارديلار. بيز اونلارا سيرطاليبي (اسراره طاليب اولان اينسانلار) دئيرديك. قويون قوزو اوتارارديم او زامانلار. ان سئودي‌ييم يئر دومانلي‌ داغي‌ايدي. دومانلي داغي‌دا اونلارين يئري ساييليردي. سيد اولدوغوموزا گؤره منيم اورا داوار آپارماغيمي گؤرمزدن گلرديلر. اونلارين دا اوشاقلاري داوار گتيرردي. اونلار بيزدن چوخ شارقي اوخويارديلار سانيرام. اونلارين چئشيتلي اولماسي بيرينجی دؤنه اولاراق حياتيمدا تك‌سسلي‌ليك و تك باخينجاليغي پوزدو. دونيادا باشقا نسنه‌لر ده واريميش دئمه‌لي.
آدلاري دا بيزيم‌له فرقلي ايدي هردن. مثلن ایچلرین‌ده شامان و امن كيمي آدلار ائشیدیلیردی.
*
شامانيزمين سونرا تورك تاريخينه باغلي اولدوغونو بيلديم. بو كلمه‌ مني بير ياندان تورك تاريخينه، اوسطوره‌لرينه بير ياندان ايسه اوشاقليغيما باغلايير.
ايندي ياديما گلير اوغلان شامان منيم بير كيتابيمي آپاردي آما گتيرمه‌سيني خاطيرلاماييرام.
اما ايندي…
آخشام اوخويورام عاشيق عرب سازلار قاناديندا اوچوب آراميزدان گئتدي. بير شئي يازماغا دوشونورم. گوندم ايشلر، درس‌لر، خبرلر و…
گئجه ياريسي قومدا ياغيش ياغيب، ياغيش سونراسی کوچه‌لری آدديملاييرام. يولدا عاشيق عربه دوشونورم. بير يول قومدا تويا گلميشدي. چاغيرديق گلدي “تورك ادبيات اوتاغي”نا.
- هه عاشيق! نئجه اوشاغين وار؟
- هؤركوتمه‌يينجه سايماق اولماز كي
هامي‌ميز گولوروك. منيم مذهبي اولدوغوما گؤره سازيني گتيرمه‌ييب‌دير. بيوگرافي‌سيني آليرام. بير آزدان سونرا توركيه‌يه گئده‌جه‌يم، دوكتور قافقازيالي “ايران تورك عاشيق موحيط‌لري”نه كئچمه‌يه اونون، حاج قربان سليماني‌نين و عاشيق مسيح الله‌-نين بيوگرافي‌لريني ايسته‌ييب‌دير.
بئله بئله خاطيره‌لره فيكرلشيرم. عاشيغي بيرداها گؤره بيلمه‌دي‌ييمه ايچيمدن اوزولوب آجي‌ييرام. ائوه قاييديرام هر شئي سيلينب‌ گئدير.
*
ياواش ياواش يورولموشام، اما رولان بارتين كيتابي ياتماغا ايذين وئرمه‌يير. بيردن شاشيب ديسكينن كيمي اولورام. رولان بارت كيتابيندا يازيجي‌دان ياراديجي‌دان سؤز آچير. اونجا «مؤلف آنلامي يئني بيرآنلام‌دير. كئچميش توپلوم‌لاردا راوي يا شامان اولاردي. » (۱)
ائله منی شاشدیران بو شامان کلمه‌سی‌دیر. بارتین عربجه ترجومه‌سی الیمده‌دیر، عجبا عرب‌لرده شامان سؤزجویو…؟ راوی‌یه، شامانا، اوزانا فیکیرلشیرم. بیردن عاشیق عرب گلیر گؤزومون اؤنونه. بو گئجه عاشیق عرب‌دن یازمامیش یاتا بیلمه‌جه‌م دئییرم. بو یازی‌یا دا سبب رولان بارت و اونون کیتابی‌نین ترجومه‌سی اولور.
اما عاشیق عرب! قارداش! تکی بیر یولدا گؤروشردیک. نولاردی آخی؟
*
عاشیق عرب سازلار قانادیندا اوچوب گئتدی، غریب‌جه‌سینه. آمما بیلمیرم بیزیم مؤلف‌سیز توپلوم ‌دا عاشیق‌لارین غوربتی نده‌ن آسیلی‌دیر.

بؤلمه لر: گونده‌لیک یازیلار/ یادداشتها |

۸ گؤروش یازی: “عاشيق عرب، مؤلف و رولان بارت / سید حیدر بیات”

  1. آخارسو دئییر:
    قیروو ۱۳-ي, ۱۳۸۸ چاغ ۸:۵۳ گ.ؤ

    سالام
    سن اونو گؤره بیلمیشم. آنجاق من اونون گؤروشونه تامارزی قالدیم. بو ایل آشیق لار بایرامینا چاغیرماغینی دوشونوردوم یازیق لار اولسون آشیق عرب ده آشیق عزت کیمی بو بایرامی گؤره بیلمه دی. تانریدان اونلارا رحمت دیله ییرم.
    اؤلوم حاقدیر چیخماق اولماز امیردن
    ایپک تورا حلقه سالما دمیردن
    آیدی گوندو گلیر گئچیر عؤموردن
    تله سیریک گؤرن یازا نه قالدی
    ـآشیق آلی_

  2. قاشقاي دئییر:
    قیروو ۱۳-ي, ۱۳۸۸ چاغ ۲:۱۶ آ.خ

    سلام

  3. شهروند درجه دوم دئییر:
    قیروو ۱۴-ي, ۱۳۸۸ چاغ ۱۱:۳۵ آ.خ

    وقتی میگیم در سوئیس و سوئد و کشورهایی از این دست سه چهار تا زبان رسمی وجود داره، میگن اونا کجا و ما کجا؟! (یعنی اونا آدمند و متمدن، ولی ـ روم به دیوار ـ ، مردم ما ناآدمند و نامتمدن!)
    وقتی میگیم بابا! توی همین عراق هم دو تا زبان رسمی وجود داره، میگن این به زور آمریکاییهاست وگرنه عراقیها چی چی حالیشونه که؟!
    وقتی میگیم توی ترکیه وضع قوم کردها داره خیلی بهتر میشه و اونا دیگه صاحب کانال تلویزیونی سراسری شدن و توی دانشگاهها کرسی زبان کردی دارن و چی و چی، میگن اونا میخوان برن اتحادیه اروپا به خاطر همین!
    خب! حالا هم که میگیم توی (کشور دوست و برادر) افغانستان هم دو تا زبان رسمی وجود داره و وضعیت آموزش رسمی زبان اقوام خیلی بهتر از ایرانه، شانه بالا می اندازن و …
    واقعیت اینه که همه دنیا داره کجدار و مریز به سوی دموکراسی حرکت میکنه و آموزش به زبان مادری در مدارس، یکی از حقوق مسلم همه انسانهاست. چه آنها سوئدی باشن، چه سوئیسی، چه عراقی، چه افغانی و چه ایرانی.
    آقایون! لااقل از افغانستان یاد بگیرید!

  4. Kərim Mamağanlı دئییر:
    قیروو ۱۵-ي, ۱۳۸۸ چاغ ۱:۴۳ گ.ؤ

    Dost bağından zeni bir yarpaq

  5. Kərim Mamağanlı دئییر:
    قیروو ۱۵-ي, ۱۳۸۸ چاغ ۱:۴۵ گ.ؤ

    Dost bağından yeni bir yarpaq
    http://www.mamaqanli.blogspot.com

  6. بختیارعلیمرادی(موغان اوغلو دئییر:
    قیروو ۱۵-ي, ۱۳۸۸ چاغ ۱۲:۰۰ آ.خ

    آللاه رحمت ائله سین

  7. ائلدنیز دئییر:
    قیروو ۱۵-ي, ۱۳۸۸ چاغ ۱۲:۳۲ آ.خ

    سیدحیدر بیات جینابلاری
    بیزیم ده بیر آشیقیمیز وار
    اودا غریبدی
    آنجاق ساغ اولسون دوسلار کی آلتی یئددی ایل بوندان اول اونا بیر آغیرلاما تؤره نی قوردولار
    بیزیم آشیق بیر آز فرقلی آشیقدی
    نییه کی او گؤزلرینین ایشیقی یوخدور

    آشیق نوصرت فعال

    گون او گون اولسون ملیک کندی نه گانده سیزی اونولا تانیش ائده م

    تانری هامی آشیقلاریمیزا رحمت ائله سین و قالانلارینا ساغ لیق وئرسین

    گؤزه ل یازی نیزا گؤره ساغ اولون

  8. قوجا دئییر:
    قیروو ۱۶-ي, ۱۳۸۸ چاغ ۲:۰۷ گ.ؤ

    [گل]سالام.
    یالقیز آغاج دا : ( بیر چنار و بیر قوشما ) … یولونوزا چیچک لر [گل][گل][گل]

گؤروشلر