سون یازیلار

سون گؤروشلر

آرشیو


« حکیم تیلیم خان آتینجی قورولتایی | آنا یارپاق | «قصيده آب»: ترجمه فارسي قصيده نبوي حکيم ملا محمد فضولي / احمد رنجبري حيدرباغي »

حکیم تیلیم‌خانین آلتینجی قورولتایی / موهندیس علیائی کلیان (یاشیل)

قوراپيشيرن ۲۷, ۱۳۸۸

telimxan.JPG
آلما یولو: آلتینجی “حکیم تیلیم خان” قورولتایی تیرآیینین ایگیرمی بئشینده ساوا شهرینین مرغئی کندینده کئچیریلدی.بو قورولتایدا اولکه میزین بوتون یئرلرینده ن او جومله ده ن: تهران، کرج، زنگان، همدان، قوم، شهریار، ساوا و باشقا بولگه لرد ه ن ایشتیراک ائتمیش و چوخلو “تیلیم خان” شوناس لار و هابئله شاعیرلر، یازیچیلار، عاشیقلار سوزلری وشئعیرلریله چیخیش ائتدیلر.
بو قورولتای موهندیس “اسداله امیری “جنابلاری، قاراقان ماحالی و مرغئی کندینین اهالی سینین یاردیمی ایله گوزه ل سویه ده تداروک گورولموشدو.دئمه لی بو قورولتای دا ساوا و قوم شهرینین شاعیر و یازیچیلاری چیخیش ائدنده ن سونرا، کرج و قلعه حسن خان بولگه لرینین ایشتیراک ائده ن لرینده ن اولان ان مشهور “تیلیم خان” شوناس دوقتور “حسین محمدخانی گونئیلی” کئچمیش قورولتای‌لار باره سینده دانیشیق آپارمیش و گله جک قورولتای لارین نئجه اولماسینی آچیقلادی.
قورولتایین دوامیندا کرج شهرینین مشهور خالق شاعیری ” اوستاد صمد مرادی” گوزه ل و ده یرلی شئعیرلریله مجلیسی ماراقلاندیردی.قوم شهرینده ن ایشتراک ائده ن گنج شاعیر “چنلی” ده یئنی شئعیری ایله کونوللری اوخشادی. قورولتایین سون واختیندا کرج شهرینده ن ایشتیراک ائده ن علیایی (یاشیل) وطن شئعیرلریله اوره کلرده دویغو یاراتدی.
دئمه لی بو قورولتای دا قاراقان بولگه سینین ده‌یرلی شاعیری “فتح اللهی” جنابلاری دا تیلیم خانین مزاری اوسته ائحساسلی شئعیرلر اوخودو. ایشتیراک ائده نلر “حکیم تیلیم خان” -ین مزارینی زیارت ائدنده‌ن سونرا بو قورولتایا سون قویدولار.
بو قورولتای دا گورکملی عاشیق لاردان “گونش” جنابلاری، “عاشیق محیط” و چوخلو سؤز و ساز اوستادلاری دا ایشتیراک ائتمیشلر.
“حکیم تیلیم خان” قجرلر دوورونون تورک شاعیرلریندن اولموش. موهندیس “امیری ” نین امکداشلیغیلا بو گؤرکملی خالق و میللی شاعیرین بیرینجی دیوانی بیر ایل بوندان اونجه ایشیق اوزو گورموش و تئزلی ایکینجی دیوانی دا یاییلاجاقدیر.
کئچمیش قورولتای لار:
- بیرینجی قورولتای ۱۳۷۰ نجی گونش ایلی مئهر آیینین دوردو نجو و بئشی نجی گونو مرغئی، میصیرقان و بند امیرکندلرینده.
- ایکینجی قورولتای ۱۳۷۱ نجی ایل شهریور آیینین ایگیرمی آلتی سی و ایگیرمی یئددیسی گونلری مرغئی، یئل آباد و جوشقان کندلرینده.
- اوچونجو قورولتای ۱۳۸۵ ینجی ایل تیر آیینین اوتوزونجو گونو مرغئی کندینده.
ـ دوردونجو قورولتای ۱۳۸۶ ینجی ایل تیر آیینین ایگیرمی دوقوزونجو گونو مرغئی کندینده.
ـ بئشینجی قورولتای ۱۳۸۷ گونش ایلی نین تیر آیینین ایگیرمی آلتی نجی گونو مرغئی کندینده.

” حکیم تیلیم خان ” دان بیر شئعیرله سوزوموزه سون قویوروق.
بیلنلر بیلسین کی من تیلیــم خــانــام
بیلمه ین لر بیلسین، گووهــرم، کانــام
“مرغئی” ساکینی، اصلی ترکمـانــام
گـزه - گـزه بــو جهـانـدان گلـــیره م

اؤلکه میز “عیراق” دیر، شهریمیز ساوا
مـزلقـان چاییــنـدان گـوتـوردوم هــاوا
عـاشیقــلار دردینــه ائیلــه ره م چـارا
مـن طبیبــــم، هیندوستانــدان گلــیـره م
من اوز نووبه مده موهندیس “امیری” جنابلارینین آرتیق تلاش لاریندان درین میننتدارلیغیمی بیلدیریر و هابئله مرغئی کندینین اهالی سینه و بوتون تدقیقاتچی، عالیم، شاعیر و عاشیقلاردان او جومله ده ن: ده یرلی اوستادیم دوقتور “گونئیلی”، اوستاد شاعیر دوستوم “صمد مرادی”، قوم شاعیر لریندن ، همدان شاعیرلریندن، ساوا و قاراقان بولگه سینین اهالی سینده ن و عزیز قارداشیم رسول علیایی (ائلشن) جنابلاریندان و چیخارلی خالق خادیمی موهندیس”قهرمانی جنابلاریندان، “شاعیر فتح اللهی” و بوتون عاشیق دوستلاریمیزدان اوزه لیکله “عاشیق گونش جنابلاریندان تشککورلریمی بیلدیریره م.
کرج شهری - علیایی کلیان(یاشیل) گونش ایلی - ۲۶/۰۴/۱۳۸۸ جومعه گونو

—
آلقیش

بؤلمه لر: خبر و تحلیل |

۴ گؤروش یازی: “حکیم تیلیم‌خانین آلتینجی قورولتایی / موهندیس علیائی کلیان (یاشیل)”

  1. بختيار عليمرادي(موغان اوغلو) دئییر:
    قوراپيشيرن ۲۸-ي, ۱۳۸۸ چاغ ۹:۴۱ آ.خ

    سالاملار/دوستلارين بير نئچه سينين اوعزيزله مه مجليسينه گئتمكلريني اوخودوم سئوينديم بئله قورولتاي لار/ آلقيشا لايقدير/ لايق/ ساغ اولسونلار بئله قورولتايلارين تشگيلاتچيلاري

  2. asgar asadi (eldeniz) دئییر:
    قوراپيشيرن ۲۹-ي, ۱۳۸۸ چاغ ۸:۲۶ گ.ؤ

    salam her vaxtiniz xeur olsun
    bu weblogi idi gordum dedim belke gormeyibsiz, bir baxarsiz

    http://ishanch.blogfa.com/

  3. asgar asadi (eldeniz) دئییر:
    قوراپيشيرن ۲۹-ي, ۱۳۸۸ چاغ ۸:۲۷ گ.ؤ

    salam her vaxtiniz xeyr olsun
    bu weblogi indi gordum dedim belke gormeyibsiz, bir baxarsiz

    ugurlar

    http://ishanch.blogfa.com/

  4. aytan دئییر:
    قويروق دوغان ۲-ي, ۱۳۸۸ چاغ ۲:۳۹ آ.خ

    gine selam bu saytıda görmani önariram bir oxuyanlarız baxala
    http://www.turkbirligineevet.com
    sag olun

گؤروشلر