EYVAZ TAHA - ایواز طاها
RIZA HƏMRAZ رضا همراز
ƏLIMÜHƏMMƏD BƏYANI علی محمد بیانی
هادی قاراچای- HADI QARAÇAY
« خاتین (سسلی شعر) / براتعلی فتح اللهی | آنا یارپاق | درگیری خونین میان نیروهای انتظامی و اویغورهای مسلمان شین جیانگ در شمالغربی چین »
گونش قیزماریندا خورما تارلالاری / سید حیدر بیات
قوراپيشيرن ۱۴, ۱۳۸۸
قوجا کیتاب ساتان گوله گوله دئدی: گؤتورون شیرینیلردن، بویورون.
دئدیم: حاج آقا ورشکست اولارسیز.
بو دؤنه گؤزلری ده گولدو: هر زامان حضرتین دوغوم گونو اولسون، بیز شیرینی پایلایاق.
تام اورکدن دئدی بونو.
*
کیهان کیمی قزئتهلر ایمام علیدن یازاندا، اینسان بیر آز شؤبههلهنیر. یانی اؤز آرامیزدا قالسین، بیر آزدان دا بیر آز چوخ.
شریعتی کیمی شعوبی دوشونور ایمامعلیدن یازاندا…
شیعه – سنی آدینا، صفوی – عوثمانلی ساواشلارینا ندهن تاپیلاندا…
قوتسال قونولار سیاسی فاحیشهلرین آغزیندا ساققیزا چئوریلنده…
قلم گئری قاییدیر.
یالنیز او قوجا کیتاب ساتانین ائلهسینه سئوینمهسی، اونون گؤزلرینین گولمهسی قلمی آرخایینلادیر: ایمام علینین دوغرو یئری اورکلردهدیر. یالنیز.
سییاسی فاحیشهلری، خسته قزئتهلری بوش وئر.
قاییت قوجا کیتاب ساتانین گؤزلری گولوشونه.
یارین اورایا بیر باش وور.
بیر ایکی عیرفان – فلسفه کیتابی آل.
سونرا قاییت.
نئیزهده اولان نهجالبلاغهلره باخمادان یول اوزونوندا.
رادیکال فیکیرلشمه. قیلینج، قالخان، سونگو، نه بیلیم گئجه قویویا سیرر دئییب آغلاماق، سنین دئییل.
گونش قیزماریندا خورما تارلالاریندا ایشلهمهیینه فیکیرلش…
اللرینین پینهسینه
او دا سنین دئییل.
سن هئچ زاد ایستهمهییرسن
یالنیز
بو سییاست فاحیشهلری، یازماسینلار قوتسال نسنهلردن.
سولار دورولاندان سونرا، ایستک قاییداجاق.
ایندی یالنیز قوجا کیشینین گؤزلرینین گولمهسی سنینکیدیر.
یارین اورا دؤن.
۱۲رجب ۱۴۳۰
ایلگیلی لینک:
ایکی هیجالی آد / سید حیدر بیات
بؤلمه لر: دین و توپلوم, گوندهلیک یازیلار/ یادداشتها |
قوراپيشيرن ۱۵-ي, ۱۳۸۸ چاغ ۹:۰۶ گ.ؤ
سالاملار حورمتلي سيد گوزلدير ساغ اولون
قوراپيشيرن ۱۵-ي, ۱۳۸۸ چاغ ۹:۱۹ گ.ؤ
سالاملار . حورمتلي سيد آرا بير بيزه باش وير بيزي تك قويما ساغ اول( صمد عمي )
دوستلارلا بيزه گلميشدير سيزدنده دانيشديق قاپئميز دوستلارين اوزونه اچيقدير ساغ اولون
قوراپيشيرن ۱۷-ي, ۱۳۸۸ چاغ ۱۲:۳۱ آ.خ
[…] گونش قیزماریندا خورما تارلالاری / سید حیدر بیات […]