EYVAZ TAHA - ایواز طاها
RIZA HƏMRAZ رضا همراز
ƏLIMÜHƏMMƏD BƏYANI علی محمد بیانی
هادی قاراچای- HADI QARAÇAY
« ترس از زبانها چرا / دیلسئور | آنا یارپاق | گزارش ایرنا از پشت پرده جلسه توهین کویرنشینها به ترکان »
ائوه اوغرو گیریب / سید حیدر بیات
قیزاران ۴, ۱۳۸۸
گؤزل آرواد وارلی کیشیسینی سایمازدی. کیشی نه قدر هدیه آلاردی، گزمهیه آپاراردی، خانیمین اورهیی اله گلمزدی. بیر گون کیشی یوخودا ایدی، یوخومو گؤرورم دئدی؟ آخی قادین برک برک اؤزونو اونا یاپیشدیرمیشدی.
کیشی گؤزلرینی آچدی. یوخ یوخو دئییل، قادین دوغرودان ارینی برکدن قوجاقلامیشدی. کیشی بیر چئورهیه گؤز گزدیردی. ائوه اوغرو گیرمیشدی. کیشی آمما قورخمادی هئچ. عکسینه اوغرویا اوز توتوب دئدی: حلالین اولسون، هر نه کئفین چکیر ییغیشدیر آپار. سونرا قادینا دوغرو دؤنوب…
**
بو گونلر فارس نیوز، تابناک، ایرنا و جهان نیوز کیمی سیتهلر و کیهان کیمی قزئتهلرین تورکلرین خاتمییه قارشی اولان اعتراضلارینی یوموشاق شکیلده عکس ائتمهلری ایلگینجدیر. ندهنی ده بللیدیر. آخی ائوه اوغرو گیریب. احمدی نِژاد یئنیلسه، دای اصولگرالارین بیر ده بئله قاتی شکیلده گوجه قاییتمالاری چتین اولاجاقدیر.
اونا گؤره ده الده اولان ان اؤنملی کارت، یانی اؤز دئمیشلریکن قومیتلر کارتینی اوزه چیخاریبلار. اما بونلار بیر شئیدن یامان خبرسیز قالیبلار.
خاتمی کیمی بیر اسطورهنی تورکلر سیندیریرلارسا، داها هئچ بیر اسطوره -تورکلرین ایستهدییی حاقلارا بویون ایمهسه - ساغلام یاشایا بیلمهجک. خاتمینی هئچ یولونان ایله سیندیرا بیلمهمیشدیلر. آنجاق خاتمی بو گونلر سلول – سلول اپریییب قورویور، تؤکولور یئره. بوندان بویانا او تورکیه باشدا اولاراق، ایسلام دونیاسینین دا گؤزوندن دوشهجک. اونو آوروپادا آمریکادا دستکلهین اسلامی اوجاقلار داها دستکلهمیهجک.
اؤنجه کی یازیمدا یازمیشدیم: خاتمی امروز به پایان میرسد، سونرا بیر باشقا یازار منیم جوملهمی اصلاح ائلهمیشدی: خاتمی در آذربایجان به پایان رسیده است یازمیشدی. اما دوغروسو ، یالنیز آذربایجاندا دئییل، خاتمی بوتون دونیادا به پایان میرسد.
بؤلمه لر: گوندهلیک یازیلار/ یادداشتها |
قیزاران ۶-ي, ۱۳۸۸ چاغ ۹:۲۲ گ.ؤ
حرمتلي ديل داشيم جناب سيد حيدر بيات
بيلديگينيز كيمي بو سئچگيلر پروسسينده كانديدالار ۱۵اينجي اصلين اجرا ائلمه گينه وعده وئريللر.بو وعده لرين نه قدر دوز اولدوغون بيلميرم اما هر حالدا گوسترير كي حاكميت ايراندا ياشايان ميللتلرين حاقلارين رسميته تانيماقا آدديم آتماليدير.اما منيم ايچون بير سوال قاباقا گليب و اودا بو كي بو اصلين گئرچكلشمه سين نه لر هده ليير ؟ استاني تلويزيونلار كيمي اولسا كي قاريشيق بير غريبه تانينماميش ديلده پروگرام ياييللار و آديندا توركي قويوللار ائله اوندا بو حربه ايله بيزيم آنا ديليميزي اوكوللاردان اييب و انحرافا چكه بيللر و ساتقين انسانلارين و يازارلارين الينن بيزيم ديليميزي آرادان آپارماقا راحاتجا چاليشاللار.منجه بيزيم ساوادلي و باش بيلنلريميز اينديدن اوزلريني بو ايشه حاضرلاماليديلار و ادبي درنك لر قورماقلا اصل ۱۵ اين اجرالاشماسينا حاضرليق گورمليديلر. گرك ماتريال حاضرلانا تا زامانيندا اورتايا قويوب و اونلارين اوخوللاردا يازيب اوخوماقين ايستييك.
سيزدن بير ايستگيم وار كي بونا گوره اگر موافق اولساز بير مقاله حاضرلاييب و ادبي فعاللاريميزينان آرادا قوياسيز
حرمتلر و سايقيلار
—
سلام
حاق سیزینله دیر قاباقدا چوخ ایشیمیز واردیر. آنجاق نظره گلن بیزیم دیلین قورارلاری, گیرامیری و س بللی دیر. واختی کن بو قونولارین اوستونده دارتیشماق اولار. منه گلن بیر آز تئزدیر هله.
دغدغه نیز اوچون ساغ اولون
حورمتله