سون یازیلار

سون گؤروشلر

آرشیو


« اوشاق كيتابي يئتر - آیدین . ک | آنا یارپاق | ائوه اوغرو گیریب / سید حیدر بیات »

ترس از زبانها چرا / دیلسئور

قیزاران ۴, ۱۳۸۸

۲۴/۵/۲۰۰۹
“سحر”دن پخش اولوردو.
تورکمن عائیله‌سینی گؤستریردی.
گئییم‌لر تورکمن‌، یئییم‌لر تورکمن‌، چادیر تورکمن.
آپاریجی فارسجا دانیشیر بوتون ایضاحلاری او وئریر. عائیله‌نین بؤیوک اوشاقلاری دا دانیشاندا فارسجا دانیشیرلار. بلکه توصیه ایله‌. البته مدرسه ‌ده ایشی راحاتلاشدیریب. اونلارین دا ایصراری یوخ‌.
هامی زادی گؤسترمک اولار آنجاق فارسجا ایضاحلا. یالنیز دیلی گؤسترمه‌یین.
کامئرالاری دیللردن اورکور.
یالنیز دئمه‌یین بونلارین دیلی نه‌دیر مکتب‌لری وار یا یوخ. اؤزلری ده دئمزلر. اصلینده اوتانارلار. چون هله اؤزلرینه ایفتیخار ائده بیلمیرلر.
کیمه پخش اولور؟ ائشیکده‌کی‌لره.
نه دئییر؟ دئییر ایراندا تورکمن وار.
لیباس‌لاری بئله‌، یئییم‌لری بئله‌، آنجاق دیلدن سؤز گئتمیر بلکه بیله بیله!
یعنی ایران صولح یئری‌دیر باریشیق یئری‌دیر. هامی فارسجا دانیشیر آمما سوروشمایین قوجالار نییه اصلا دانیش(دیریل)میرلار. یا دا دانیشاندا لهجه ایله دانیشیرلار بو لهجه ائله تامام کنتدلی‌لرده اولار.
قئیری تئهرانلی‌لاردا اولار.
اؤنملی دئییل سیز بی‌خیال اولون .
بورا ایراندیر‌.
بیز باشارمیشیق یئنی نسلی فارس ائدک.
تورکمن‌دیرلر آنجاق بلکه کامئرا فاباغیندا‌، چادیردان ائشی‌یی گؤسترمیریک بلکه گؤرونه کی بورا تئهراندا یاپیلان صونعی چادیردیر . تورکمن صحرانین چؤللری یوخ.
بورا تئهران!
ایچینده تورکمن ده وار آنجاق فارس تورکمن
اؤزونوزو نیگران ائله‌مه‌یین
بولارین ائعتیراضی یوخ
چؤره‌یه گؤره هر نه‌یه باش اییبلر
اؤزلری اییبلر
اییلیبلر
آماندیر اصالت‌لرینی یادلارینا سالمایین
اوندا
ایرانا
ایسلاما
آللاها
دوشمن
اولارسیز.
بو بیر فلسفی مسئله‌دیر
کامئرا دیلدن اورکور؟
میکروفون دیلدن اورکور؟
بیزیم دیلدن
یا اصلینده بیز دیلیمیزی کامئرادان میکروفوندان اورکودوروک
قورخودوروق
گیزله‌دیریک
نه یاخشی اولار بیرگون بو قرارا گلک میکروفوندان کامئرادان اوتانمایاق.
میکروفون آدام دئییل
آدام اولسا دا فارس دئییل
او طرفسیزدیر هامی دیل‌لری ائشیدر‌، گؤرر و باشقاسینا اؤتورر(اینتیقال وئرر)
اوندا گوناه یوخ
بیز اونو اؤز مالیکییتیمیزه گتیرمه‌میشیک
گلین اؤزوموزه کامیرا یولداشی میکروفون یولداش سئچک
اونلار بیزه یاردیمچی اولا بیلرلر.

بؤلمه لر: گونده‌لیک یازیلار/ یادداشتها |

۳ گؤروش یازی: “ترس از زبانها چرا / دیلسئور”

  1. دومان قره قانلو دئییر:
    قیزاران ۴-ي, ۱۳۸۸ چاغ ۹:۴۰ گ.ؤ

    سلام
    یئنی یازیلاریزدان چوخ فایدالاندیم
    تشکور ائدیرم

  2. دومان قره قانلو دئییر:
    قیزاران ۴-ي, ۱۳۸۸ چاغ ۹:۳۱ آ.خ

    سلام بیات به ی
    یورولمایین

    میر حسین موسوی:من ترک هستم و قشقایی!!!
    http://www.jamejamonline.ir/newstext.aspx?newsnum=۱۰۰۹۰۷۲۷۷۱۵۴

  3. links for 2009-05-26 « تورکوک بیز Türkük Biz دئییر:
    قیزاران ۵-ي, ۱۳۸۸ چاغ ۱۲:۳۰ آ.خ

    […] ترس از زبانها چرا / دیلسئور […]

گؤروشلر