سون یازیلار

سون گؤروشلر

آرشیو


« ƏDƏBİYYAT TARİXİMİZİN UNİKAL MƏNBƏYİ / cavanşir yusifli | آنا یارپاق | “Molla Nəsrəddin” jurnalının yaradılmasından ۱۰۳ il ötür »

۱ آوریل یالانی

آغلارگولر ۱۳, ۱۳۸۸

şeiri latınca buradan oxuyun

بو گون هامی یالان دئییر
نه اولار؟
من ده بیر یالان دئییم:
ایران‌دا اوتوز بئش ملیون تورک وار
ایرانین باتی‌سین‌دا
بیر آذربایجان وار
اورادا تورک‌لر یاشاییر.
ایرانین باشکندی‌نین چوخ فایزی
تورک
ایرانین بوتون شهرلرینده یاشایان
تورک اولوسو وار.

بونلارین دیل‌لری یاساق‌دیر
تاریخ‌لری ده‌ییشیلیر
اؤز دیل‌لرینده یازماغی باجارمازلار
اوشاقلارینا تورکجه آد
سئچه بیلمزلر
هله
اؤز دیل‌لرینده هئچ بیر
مئدیالاری یوخ
مکتب‌ده باشقا دیل اؤیره‌نرلر
اؤیره‌درلر
چوخلو بینالاری ایراندا
تورک فحله‌لری تیکیر
خالچالاری
تورک قادین‌لاری توخور
بونلار دوزگون، دیلی باغلی،
و صداقتلی اینسانلار.
اؤز دیل‌لرینده اوخوماقلاری یاساق
مکتب‌سیز
آدسیز
یاشاییرلار
حیات‌سیز.

*
بو گون هامی یالان دئییر
نه اولار؟
من ده بیر یالان دئییم:
ایران دا اوتوز بئش میلیون تورک وار

سید حیدر بیات

—
ایضاح: فارسجادا بو یالانا دروغ سیزده دئییلیر. آنجاق بونون سیزده گونونه باغلی‌لیغی یوخدور.

بؤلمه لر: ادبیات, شعرلر |

۲ گؤروش یازی: “۱ آوریل یالانی”

  1. دیوان اشعار حاج سید فیاض عرب زاده زنجانی دئییر:
    آغلارگولر ۱۳-ي, ۱۳۸۸ چاغ ۸:۴۸ آ.خ

    لطف خداوندی یا طبیعت زیبا
    لطف خداوندی یا طبیعت زیبا

    بلبل گلوری نطقه گلستانی گورنده

    عشقیله اوخور آیت سبحانی گورنده

    اوز منطقیله ذکر دیر حی ودوده

    تسبیح دیر غنچه خندانی گورنده

    قمری دیل آچار شاخه شمشاده قوناندا

    انسان قالار حیرتده او حیوانی گورنده

    آهو بالا سیله اوتارار دشت و دمنده

    مشغولیدی اذکارینه صحرائی گورنده

    ماهی دولانیر ذکر خداوند دیلینده

  2. ارسلان میرزایی دئییر:
    آغلارگولر ۱۶-ي, ۱۳۸۸ چاغ ۸:۵۸ آ.خ

    سلام سیید به ی
    سیزینگ گؤزل نظرینگیزدن چوخ چوخ استفاده ائدیم
    ساغ اولون
    عجب گرچک یالانا ن ایدی
    من بو یالانا ایناندیم

گؤروشلر