EYVAZ TAHA - ایواز طاها
RIZA HƏMRAZ رضا همراز
ƏLIMÜHƏMMƏD BƏYANI علی محمد بیانی
هادی قاراچای- HADI QARAÇAY
« قوتادغوبیلیگ” ین عربجه ﺗﺭﺟومهسی نشردن چیخدی | آنا یارپاق | آراز آرادایکن او اؤلدو / سید حیدر بیات »
آذربایجانلی – بریتانیالی سامی یوسف فیلیسطینه اوخور
دوندوران ۲۲, ۱۳۸۷
آلما یولو: لندن، هودهود سیتهسی: میصیر موزیکا شرکتی بیلدیریب آذربایجان کؤکنلی اولان بریتانیالی موزیسین سامی یوسف «سنسیز» آدلی یئنی شارقی آلبومو نو یاییملایاجاق.
بو آلبومدا دوققوز شارقی یئرلشیر. بیرینجی شارقینین آدی « فیلیسطینیم ابده کیمی» . یوسف بو آلبومون باشقا شارقیلاریندا پیغمبره اهانت ائدن کاریکاتورلارا قارشی چیخاراق «صلو» آدلی بیر شارقی دا اوخویوبدور.
سامی یوسف ۱۹۸۰ دا موسیقی سئوهر بیر آذربایجانلی عائیلهده دونیایا گؤز آچدی. اوشاقکن آتاسی یانیندا موزیک اؤیرنمهیه باشلادی. حیاتینین ایلک گونلریندن چالغی آلتلریله اوغراشان یوسف اوخوماغی و چالقیچیلیغی یوکسک سویهده اؤیرنه بیلمیشدی. اونون اوستادلارینین ایچینده بؤیوک آدلارا راستلاشماق اولور، او جوملهدن او لندن موسیقی آکادمیاسینین اوستادلاریندا یانیندا موسیقی اؤیرهنیبدیر. «معلم» آدلی بیرینجی آلبومونو ۲۰۰۳ ده یاییملادی بو آلبوم بیر ملیون نوسخهدن داها آرتیق ساتیلدی. «منیم اوممتیم» آدلی ایکینجی آلبومونو ایسه ۲۰۰۵ ده یاییملادی. بو آلبوم دینلهییجهلرین کسین ماراغیلا قارشیلاشدی و اوچ ملیون حودودوندا ساتیلدی. سامی یوسف چئشیدلی اؤلکهلرده او جوملهدن آمریکا، آلمان، مغرب ده کنسرت وئریبدیر.
قایناق:
ایلگیلی لینک:
سامی یوسف:
آذربایجان منیم اورهییمدیر.
بؤلمه لر: خبر و تحلیل |
دوندوران ۲۳-ي, ۱۳۸۷ چاغ ۱۱:۲۰ گ.ؤ
سامی یوسف مصر ده علوم دینی بولومونده ده درس اوخویور و بیر طلبه دیر
دوندوران ۲۳-ي, ۱۳۸۷ چاغ ۱۱:۲۱ گ.ؤ
داها بوکی تهران شهرینده آنادان دوغولموش
دوندوران ۲۳-ي, ۱۳۸۷ چاغ ۱۲:۵۹ آ.خ
سلام بی. یورولمایین.
دوندوران ۲۵-ي, ۱۳۸۷ چاغ ۱۲:۳۰ آ.خ
[…] آذربایجانلی – بریتانیالی سامی یوسف فیلیسطینه اوخور سامي يوسف أذربيجاني -بريطاني يغني لفلسطين […]
دوندوران ۲۵-ي, ۱۳۸۷ چاغ ۱۲:۳۲ آ.خ
منیم بیرسورغووارئمدئر سامی یوسوف آذربایجانلئ اولماغئن بیلیر؟ ایربیلیر نه اوچون اوز مظلوم میللتینه بویوک وحورمتلئ اوستادآرازائلسس بی تکین اوخومور ؟؟؟!!!ایندی آذربایجانلی دونیانئن لاپ مظلوم وبختئ قره میللتلرینده ندئرحتا فیلیسطینئده نده مظلومدور .
—-
طبیعی کی سامی یوسوف میللتچی دئییل و اوممتچی بیر صنعتچی ساییلیر. اونا گؤره ده ایسلام دونیاسیندا ان سئویلن صنعتچیدیر. آنجاق سامی یوسوفدن دفاع ائتمهیه و اونو رئکلام ائتمهیه ایکی دلیلیم واردیر.
بیرینجی: بو کی سامی یوسف عرب دیلی ایله یاناشی تورک دیلیندهده اوخویور، حتی اونو رسمی شکیلده تورکجه سیتهسی واردیر. آیریجا سامینین «آذربایجان منیم اورهییم» آدلی ماهنیسینی حتما دینلهییبسیز. سامی یوسوف آذربایجانچیلیغیندان قاچماییر هئچ بونو اعلاندا ائدیر.
ایکینجی: عرب سیتهلرینده چوخ آز آذربایجان آدینا توش گلمک اولار، آنجاق سامی یوسوفون آدی چکیلنده آذربایجانیندا آدی چکیلیر؟ سیزجه بو قدر یئترلی دئییل.
سایین دیلداش! سامی یوسف کیمی اینسانلار بیزیم مدنییتیمزین بؤیوک وارلیقلاریدیر. باخیشلاری بیزیمله اوست اوسته دوشمهمک سبب اولماسین دوست قازانماق یئرینه هامینی دوشمان ساناغین.
سوندا آلمایولو-ندا سامی یوسوفه عایید باشقا لینکلری ده سیزه و باشقا اوخوجولاریمیزا تقدیم ائدیریک:
سامي یوسف: ” آذربايجان منيم اورگيمدير ”
سامي يوسف:آذربايجان قلب من است.
سامی یوسف-ون تورکجه رسمی دوشرگهسی
بوز آیي ۶-ي, ۱۳۸۷ چاغ ۱۱:۲۴ گ.ؤ
فارسلار اولّجه سامی یوسف ه چوخ سئوگی گؤستریردیلر ، او زاماندان کی دئییب منیم اصلیم آذربایجانلی دیر داها بونلارین ماراغین چکمیر … !!
بوز آیي ۱۸-ي, ۱۳۸۷ چاغ ۷:۴۹ آ.خ
بسمه تعالی
یاشاسئن آذربایجان یاشاسئن تؤرکیه یاشاسئن تؤرک یاشاسئن توران.