EYVAZ TAHA - ایواز طاها
RIZA HƏMRAZ رضا همراز
ƏLIMÜHƏMMƏD BƏYANI علی محمد بیانی
هادی قاراچای- HADI QARAÇAY
« پیام وزیر ارشاد به چهارمین همایش جاده ولایت | آنا یارپاق | عاشيقهاي آذربايجان داستان دهقان فداكار را روايت ميكنند »
قارادری باراک اوباما و آغدری ابراهیم رشیدی ساوالان چیخدیلار / سید حیدر بیات
قیروو ۱۵, ۱۳۸۷
بو گون باراک اوباما آمئریکانین جمهور باشقانی سئچیلدی. عین گونده ابراهیم رشیدی ساوالان دا دوستاقدان چیخدی.
آمریکا و آوروپادا یاشایان قارالار یوز ایللر بویونجا دارتیشمالار سونراسی بو گون دونیادا گئرچک یئرلرینی تاپماغا دوغرو گئدیرلر. بلکه بونون چین کی اونلار باتیدا یاشاییرلار و باتی ان آزی دموکراسییانین بیر سیرا قوراللارینا باش اَییر. عین زاماندا شرق اؤلکهلرینده ائله بیل دونیا گئرییه دوغرو آددیم آتیر. اینسانلار دیل و مدنیت اوسته حدهلهنیب دوستاقلانیرلار. بو گون بو اینسانلاردان بیریسی دوستاقدان چیخمیشدی. نئچه دقیقه اونونلا مسینجیرده یازیشا بیلدیم. دئدیم یاخشی اولدو بَی، هاوالار سویویوب داها بوزسو یاپیشمازدی ایچریده. دئدی: ترسینه، من دئییرم یایدا ایشلهیک قیشدا گئدک ایچرییه.
سونرا دئدی: اوباما ایله بیرگه چیخدیق، آما او هارا، من هارا؟
ساوالانلا باشقا سؤزلرده دانیشدیق. او جملهدن او عالمالعلمای خلخالیدن، بختیشوعدن و ها بئله بئله بیلگی دونیاسینا عایید اولان آداملاردان سؤز آچدی و اونلارا عایید سورغولار سوروشدو. دوغروسو من جاوابلارینی بیلمهییردیم. اونا گؤره ده اونا: «تزه چیخیبسان گئت هله ائوده اوتور بیر چای ایچ عائیلهن ایله» دئدیم.
*
آذربایجان گنجلییی هر شئیدن آرتیق سورغولارینا جاواب گزیر. آزدیریجی و یالان جاوابلاردا اونو اینجیدیر. سورون ائله بورادان باشلانیر. هر دؤولت، هر قورال و سیستئم آذربایجاندا انسانیت، عدالت و دموکراسی چرچیوسینده حؤکوم سورمک ایستهسه بو سورغولارا دوزگون بیچیمده یانیت وئرمهلیدیر، بیلمهدییی سورغولارین دا جاوابینی تاپماغا ایمکان یاراتمالیدیر.
بویورون! بو آذربایجان گنجلیییدیر. دوستاقدان چیخان آندان بئله بیلگی و سورغولاری آردینجا گئتمهنی اونوتماییر. بیر ده او بیلیر کی بو گون جمهورباشقانی اولان باراک اوباما، دوننلرده اتوبوس ایچینده صندلی اوستونه اوتورماغا دا حاقی یوخایدی.
بؤلمه لر: خبر و تحلیل, گوندهلیک یازیلار/ یادداشتها |
قیروو ۱۷-ي, ۱۳۸۷ چاغ ۳:۵۵ گ.ؤ
اوبامانين كامل آدي بو دور:
باراك حسين اوباما
باراك بير عبري آد دير
قیروو ۱۸-ي, ۱۳۸۷ چاغ ۷:۳۳ گ.ؤ
سلام سايين بيات
“قارادري” و “آغ دري” ترکيبي يانليش دير بو ترکيب لرين دوغروسو “قارادري لي” و “آغ دري لي” دير
ساغ اولون
—
سلاملار
بیر باشقا دوستوموزدا دوستاق کلمه سی حاقدا ایضاح یازمیشدی مسینجیرده. ائله بیل تورک اگر لوقمان دا اولسا اؤز دیلینی دوزگون اؤیرنه بیلمه یه جک.
یاشایین
–
بو جاوابی یازاندان سونرا بیر آز فیکیرلشدیم و سونوجو «دیل خاقدا قیسا یازیلار ۱۱» باشلیقلی مقاله ده گلیبدیر.
ساغ اولون
قیروو ۱۹-ي, ۱۳۸۷ چاغ ۱۲:۵۹ گ.ؤ
[…] Türkük Bizنا ساوالي آشيق علي ولدخاني / اسدالله امیریoxtayنا قارادری باراک اوباما و آغدری ابراهیم رشیدی ساوالان چ…hadi qaraçayنا عاشيقهاي آذربايجان داستان دهقان فداكار را […]
قیروو ۲۰-ي, ۱۳۸۷ چاغ ۱:۰۵ آ.خ
باراک اوباما نخستین
سایین حیدر بی
آمریکا، کانادا دا هئچ زامان ” قارا دری ” و ” آغ دری ” ایفاده سیی ایشله نیلمز، اونلار اونون یئرینه آفریقا منشالی آمریکالی (آمریکایی –آفریقایی تبار) ایفاده سینی ایشله در لر. یعنی
اویغون و خوش بیر سوز دئییل ” آغ دری ” و یا ” قارا دری” سوزاوک لری، آمما فارسجادا چوخ راخات ایشله نیلیر بونلار. نه گوزه ل اولاردیکی بیزده ایشله تمه یک.
—
بلکه بونا گؤره کی اونلارین باخیشیندا قارادری ایفادهسی توهین ساییلیر. هر حالدا تذککور اوچون ساغ اولون. یئری گلمیشکن سؤلوک: لغتنامه و سؤزجوک: کلمه آنلامیندادیر بونلارین ایشلتمهسینده دیققتلی اولاق.
سایغی ایله
چيلله ۱۴-ي, ۱۳۸۷ چاغ ۴:۴۶ آ.خ
yurdumuzun deyerli yazichi ve tedqiqatchisi, selam.
size yorulmayin soyleyib ve daha boyuk ugurlar arzulayiram.
oxularinizi oxuyanda derinden sevinib, fexr edirem, hem milli varligimiza , hem de sizin kimi iradeli ve chalishqan a,limlerimize. elbette sizler de bu yurdun varliqlarisiniz…
چيلله ۱۷-ي, ۱۳۸۷ چاغ ۱۲:۱۳ آ.خ
سید سلام
نمه اولاردی بیزیم ده ایراندا تورکو وبلاگ سرویسیمیز اولایدی