سون یازیلار

سون گؤروشلر

آرشیو


« توضیح در مورد مراسم نقد و بررسی لغتنامه قشقایی | آنا یارپاق | مراسم نقد و بررسی لغتنامه قشقایی برگزار شد »

بیز اوخوماغی اوخ‌لا باشلامیشیق / اسدالله اميري

قیروو ۱۱, ۱۳۸۷


تهران آبان ۸۷ اوستاد مردانی نین آغیرلاما مراسیمی، شکیل لر ساغدان سولا: مهندس اسدالله امیری، عاشیق گونش، فتح الله ذوقی، سیامک سلام زاده

بو یازی اوستاد اسدالله مردانی‌نین سؤزلویونون دوواق آچدی (ایلگ گؤستری) مراسیمینه قلمه آلینیب‌دیر.

(۱)
ايل بايرامي، ۱۳۸۳ گونش ايلي: گمبورون(بندر عباس)‌دان چيخيب شهرلري بيرر بيرر کئچركن شيرازين گونئي دوغوسون‌دا اولان مهارلو گؤلونده ائيله¬نندن سونرا، شيرازدا اصلينده قشقايي خان-ي‌نين اولان و سونرا پهلوي‌لره باغيشلانان ارم باغيني گزديك. مرودشت‌ده اولان تخت-جمشيده ساري يولا دوشدوك. بير يولداش کئچه¬ن دوورانلاردا نه اولدوقلاريني خاطيرلاتاركن اؤزونه گووه¬نيردي و بيزيم مدنيتيميزي تخت جمشيدده گؤره¬جك¬سن دئيه مني شماتت ائديردي. مرودشت شهرين‌ده جماعتين توركجه دانيشديقلاري بيزيم يولداشي فيكيرلشديردي و تخت جمشيده يئتنده بير قاراچاديردا قورولموش مدني سرگي اونو سوسدوردو. چونكي او سرگي قاشقايلارا عاييد اولموش و او سرگي¬دن آلديغيم “زبان تركي قشقايي و شيوه نگارش آن” كيتابي مني اوستاد اسدالله مرداني له تانيش ائديب و من او كيتابدان اؤيرنديگلريمين ان اونم¬ليسي بو: بيز اوخوماغي اوخ¬لا باشلاميشيق. (ميخي خطّه اشاره).
(۲)
گئچن نئچه ايلده حكيم تيليم خان شعرلري اوزره چاليشاركن بو مسئله¬يه راست گلميشم¬كي: بيز تورك¬لر ايچينده بير اورتاق فرهنگ واركي هاميميز اونا باغليييق. نئجه كي مثلا تيليم خان اؤزو و شعرلري شيرازا گئديب و ايندي¬ ده بعضي شعرلر واركي شاعيري بللي دئييل. بير منطقه¬ده تيليم خانا و باشقا بولگه¬ده خسته¬قاسيما و بير باشقاسيندا مأذونا منسوب‌دور. بو مسأله ایسه بيزيم اورتاق بیر مدنيتيه باغلي اولدوغوموزو گؤسترير. قوم، ساوا، همدان‌دان کئچميش‌ده و حتي بو گون‌لرده خسته قاسيم زيارتينه گئدنلر وار و هابئله ايرانين بوتون بؤلگه¬لريندن تيليم¬خاني زيارت ائدنلر وار.
(۳)
۱۳۸۷: حكيم تيليم خان بئشينجي قورولتايينا دعوت ائتمك ايچين اوستادي آراديم. اوستاد منه لوطفونو بيلديريب و مني سئودي‌یينه گؤره اوچ دليل بيلديرميش: ۱- آدداش اولدوغوموز(ايكيميزينده آديميز اسدالله دير). ۲- تيليم خانا چاليشديغيم ۳- ديلداش اولدوغوموز. و بو ايل تيرآيينين ۲۶ سي مرغئي¬ده حكيمين بئشينجي قورولتايي، اوستاد اسدالله مرداني¬نين اونودولماز چيخيشي: مأذون و تيليم خان، شيراز وساوا، توركمنلر و مختومقولو.
بيز اورتاق مدنيت‌-يز. بيز اوخوماغي اوخ¬لا باشلاميشيز.

اسدالله اميري- تهران- ۰۹/۰۸/۱۳۸۷

—
آلما یولو

بؤلمه لر: ادبیات, قشقایی کولتورو, گونده‌لیک یازیلار/ یادداشتها |

گؤروشلر