سون یازیلار

سون گؤروشلر

آرشیو


« ششمین کنگره بین المللی زبان تورکی | آنا یارپاق | Üç quş uçarsa gecəmdə »

داریخدیریجی آنلارین ان قاباریق فورماسی / سید حیدر بیات

قیروو ۳, ۱۳۸۷

ایلک دؤنه زنگاندا گؤروشدوک. غلامریضا بئش آددیم اویانلاق باخیب گولومسه‌دی. بیلمیرم نییه بیربیریمیزه یاخینلاشیب گؤروشمه‌دیک. یئنه نئچه ساعات سونرا باخیب گولومسه‌دی. نییه یاخینلاشیب گؤروشمه‌دیک؟
تانیمیردیم اونو. قوما قاییتدیق‌دا سیته‌لره باخیب بیلدیم او اوایمیش، امانی‌. آخی سیته‌لرده کی شکیلی ساققاللی اورا دا ایسه… .
سون گؤروشوموز ستارخاندا اولدو. سلاملاشیب گولومسه‌دیک.
سونرا زهر کیمی آجی خبر…
اونو سئومه‌مک اولمازدی. نئچه ساعات‌دیر ائله بو جور گیجل‌له‌نیرم. جومانین داریخدیریجی آنلاری‌نین ان قاباریق فورماسینی یاشاییرام. نئچه واخت‌دیر یازمیرام، یازیرام یایینلاماییرام. امانی‌یا دا سوسوم مو؟ و سوسورام. سونرا سعید موغانلی‌یا فیکیرلشیرم. بولود دویغولو سعید بو خبری ائشیدیب می؟ ائشیتسه نه ائده‌جک؟ بیلیرم او امانی‌نی او قدر سئوه‌ردی کی.
خبری نئجه ائشیده‌جک؟ نه ائده‌جک؟ حتمن ائشیتسه یازماغی گله‌جک. کاغیذ تاپاجاق‌می؟
بئله بئله سورغولار راحاتسیز ائدیر بیله‌می. اولسون موغانلی یازا بیلمه‌سه من اونون یئرینه بیر جیزما قارالار یازارام.
آما بیلمیرم بو نیسگیل‌لی آن‌لاردا وادی رحمت‌ده کیم باغیراجاق اونون یئرینه؟
و کیم «اووووی قارداش اوووی اوخویاجاق» دمیرداش‌آسلان اییدیمیزین یاسیندا؟ خاطیرلاییرمیسیز فرزانه اؤلنده آخی «اووووی دده‌م اووووی» اوخودو صرافی.
خبری‌ لسانی‌یه کیم یئتیره‌جک؟ متین‌پور تبریزه گئده‌ بیله‌جک می؟
*
یول اوزون
یول اوزونو
چوخوموز اؤلوروک
سونوجو کیم گؤره‌جک؟
نئچه‌نجی آغی‌یا کیمی یازمالی‌ییق؟
هانسی آغی‌دا بیته‌جک بو دفتر؟
کیم کیمین یئرینه اوووی دئیه‌جک، کیم کیمه، کیم کیمین یئرینه بیر داها متین یازاجاق، یاس ساخلایاجاق؟
هاچان سؤنه‌جک‌لر بو آغی شام‌لاری؟
آه!
جوما
جومانین
جومانین
داریخدیریجی آخشام‌لاری
آغی شام‌لاری
گونش-ین یامان آن‌لاری.

بؤلمه لر: گونده‌لیک یازیلار/ یادداشتها |

۴ گؤروش یازی: “داریخدیریجی آنلارین ان قاباریق فورماسی / سید حیدر بیات”

  1. اوختای بابایی عجب شیر دئییر:
    قیروو ۳-ي, ۱۳۸۷ چاغ ۶:۴۵ آ.خ

    تانری دان آزربایجانیمیزین سایقی دیر فعالینا رحمت و عائییله سینه صبیر دیله ییره م.

  2. Məsiağa Məhəmmədi دئییر:
    قیروو ۳-ي, ۱۳۸۷ چاغ ۱۰:۲۰ آ.خ

    Dəyərli Heydər bəy, icazənizlə bu yazını latın əlifbasında yayınladım:

    http://mesih.azeriblog.com/۲۰۰۸/۱۰/۲۴/seyid-heyder-bayat-darixdirici-anlarin-en-qabariq-formasi

    Millətimizin başı sağ olsun

  3. علیائی کلیان(یاشیل) دئییر:
    قیروو ۴-ي, ۱۳۸۷ چاغ ۸:۳۶ آ.خ

    حورمتلی بیات جنابلاری
    سالاملار
    بو آغیر ضایعه نی تسلیت دئییرم….
    سایغی لارلا یاشیل

  4. babak دئییر:
    قیروو ۵-ي, ۱۳۸۷ چاغ ۵:۳۹ آ.خ

    آذربايجان باشين ساق اولسون

گؤروشلر