سون یازیلار

سون گؤروشلر

آرشیو


« فضولي ديلي نين سيرري / مسيح آغا محمدي | آنا یارپاق | نویسنده مصری: فرخی سیستانی، نماینده شعر عربی در زبان فارسی است. »

ايلهان بئركين خاطيره‌سينه / ایواز طاها

زومار آیي ۱۸, ۱۳۸۷

آلما یولو: او گون کولتاز سیته‌سینده ایلهان بئرکین اؤلومونه عایید بیر شئی گؤردوم. دوغروسو شاشدیم. بئله بیر آجی خبری نییه ائشیتمه‌میشیک؟ شعر آکادمیاسی‌ سیته‌سینه باش ووردوم اورادا دا بیر شئی یوخودو. ترکیه ژورنال‌لاریندا دا بو گونلر بیر شئی یادیما گلمه‌ییر گؤرموش اولام. بئله‌لیکله حکیم هیدجی‌ دئین «چؤلده تک قالان قوزو» کیمی باشیمی اویان بویانا دولاندیردیم یوخوم آپاردی. بو گون دوکتور طاهانین دوشرگه‌سینده ا بو یازینی گؤردوم. بیرلیکده اوخویوروق:

ایلهان بئرک! سسين، بياض كؤينه‌ييم هاردا

سون واخت‌لار بؤيوك شاعير ايلهان بئرك‌ي ايتيرديك. اونون “يارپاق” قزئتي‌نين سيناق ساييسي اوچون چئويرديييم خيرداجا بير اثري‌نين بوردا وئريلمه‌سي يئرينه دوشردي. ا. طاها

سسين، بياض كؤينه‌ييم هاردا

سسين،

بياض

كؤينه‌ييم

هاردا.

يوخاريداكي، دؤردلوك اوزون سوره آنلاميني دييشديره دييشديره ياشادي منده.

شعرلر زامان‌لا آنلام دَييشيمينه اوغراييرلار. بوندا ياديرقاناجاق بير شئي يوخ‌دور. بو، هم بيزيم، هم شعرلرين يارانماسيني‌نين گره‌يي‌دير.

بو شعر، بير ايل بويونجا منده‌كي ايلك آنلاميني قورودو. آيدين، آچيق بير آنلام دئيیلدي بو؛ آمما قارانليقدا اولسا دا، يئنه ده بير آنلام‌ ايدي.

ايكينجي ايل منده‌كي آنلاميني ايتيردي، هئچ دوشونمه‌ديييم يئرلره قويوب گئتدی. بوتونلوك‌له آنلاشيلمازلاشدي، هيسه بوروندو.

اوچونجو ايل بويونجا بوتون آنلام‌لاريني ايتيردي، يالنيز نه‌سه هله ده قاليردي، بيزه نه‌يي ايسه آنلادان كيمي اولوب قالدي.

بوگون داها آنلامدان آنلاما گئديب گلمه‌سينه رغمن، قارانليغيني قورويور. شعرين منيمسه‌ديييي گئرچه‌يين بو اولدوغونو آنلايينجا، بوراخديم. شعرلرين ده اؤزلرينه گؤره بير آنلام دوغورماغا حاق‌لاري واردي. قوامنينين دئدييينه گؤره :«داها چوخ قارانليق‌دير شعرلر و بو كؤلگه ده باشقا دويغولار، بنزَ‌ر دوروم‌لارا دوشه بيلر.»

قایناق: ایواز طاهانین شخصی دوشرگه‌سی

—
کولتاز دات کام سیته‌سینده ایلهان برکه عایید خبرین متنی:

KultAz: Çağdaş Türkiyə poeziyasının öndə gedən ismlərindən biri İlhan Berk bu gün Bodrumda müalicə aldığı xəstəxanada ürək və tənəffüs çatışmazlığı səbəbindən ۹۲ yaşında vəfat edib.İlhan Berk, təxminən ۱ həftədir prostat xərçəngi və xroniki böyrək çatmazlığı diaqnozu ilə Bodrum Dövlət Xəstəxanasında müalicə alırdı.
قایناق

بؤلمه لر: ادبیات |

گؤروشلر