EYVAZ TAHA - ایواز طاها
RIZA HƏMRAZ رضا همراز
ƏLIMÜHƏMMƏD BƏYANI علی محمد بیانی
هادی قاراچای- HADI QARAÇAY
« مرغئيده اوروجلوق آيينين بعضي دبلري / اسدالله اميری | آنا یارپاق | «قیزیل آلما فستیوالی»نین سونوجو بللی اولدو. »
دیل حاقدا قیسا یازیلار ۱۰ / سید حیدر بیات
زومار آیي ۱۲, ۱۳۸۷
اوباشدانلیق سؤزجویو حاقدا
اوْروجلوق آیینا عایید گلهنکلر و اونونلا باغلی ایشلهنن سؤز تئرمینلری، ایسلام دینیندهن آسیلی اولاراق، چوخو عرب دیلینه عاییددیر.
آنجاق بیزده ایشلهنن اوْروج سؤزجویو بیر سیرا بیلگینلرین باخیشیجا فارسجا اولان روزه سؤزجویونون بیر واریانتیدیر.
فارسجادا ایشلهنن سحری سؤزجویو ایسه عربجه بیر کلمهدیر.
اما بیزده اولان اوباش، اوباشدان و اوباشدانلیق سؤزجوکلرینین کؤکو نه اولا بیلر؟
آذربایجانین چوخلو بؤلگهلرینده گئنل اولاراق اوباشدان سؤزجویو ایشلهنیر. اما ساوه تورکلری ایچینده و ها بئله قوم ساوه شاهسئوهنلری ایچینده اوباش سؤزجویو قوللانیلیر. بو سؤزجوک ده منجه اوب و آش سؤزجوکلرینین بیرلشمهسیدیر. اوب سؤزجویو بو گونکو تورکجهمیزده ایشلهنن هوپ سؤزجویونون قدیم فورماسیدیر. هوپ دوتماق سکوت ائتمک، دانیشماماق آنلامیندا. آش سؤزجویو ایسه قدیم تورکجه ده گئنل اولاراق یئمک و غذا آنلامیندادیر. نئجه کی ایندی ده اویغورلار غذاخوری یئرینه آشخانا ترکیبیندهن قوللانیرلار. بئلهلیکله اوبآش سؤزجویو سکوت یئمهیی آنلامیندا اولا بیلر. یانی بیر اش و یئمک کی اونو یئیندهن سونرا اینسان او قونودا یانی یئمک قونوسوندا سوسور و داها بیر شئی یئمهییر. دان سؤزجویو ایسه سحر آنلامیندادیر. اوباشدان یانا دان زامانی یئییلن و اوندان سونرا هئچ نه یئییلمهین بیر یئمک.
اساسن سحری سؤزجویونون دقیق ترجومهسی «دانلیق» اولمالیدیر. اولا بیلر «اوباش» و «دانلیق» کلمهسی هرهسی باغیمسیز بیچیمده سحری آنلامیندا اولاراق سونرا بیر سیرا آغیزلیقلاردا بیرلشیب اوباشدانلیق کیمی ایشلهنیر. مثلن زنگاندا اوباشدانلیق کلمهسی یایغین بیر کلمهدیر.
نظره گلن اوروجلوق یئرینه اوْبلوق - یانی سکوت و یئمهمک زامانی- تئرمینینی قوللانماق اولار.
دئدیییم کیمی دانلیق بوسبوتون سحری کلمهسینین قارشیدیدیر. اما اوبآش ترکیبی چوخ گؤزل و بدیع بیر ترکیب اولاراق بو کلمهنین دقیق قارشیدی دئییل بلکه ده ائله بیل تورکلرین ایچینده باشقا بیر دب واریمیش و بو کلمه او عنعنهنین بیر نیشانهسی کیمی قوپوپ بیزه چاتیبدیر.
ایلگیلی لینکلر:
دیل حاقدا قیسا یازیلار ۹
بؤلمه لر: ادبیات |
زومار آیي ۱۳-ي, ۱۳۸۷ چاغ ۱:۲۸ آ.خ
سلام
چوخ گؤزل یازیدیر، اللرینیزه ساغلیق.
سولدوزدا و اورمودا دا اوباش قوللانیلیر. من بئله دوشونوردوم کی، بو سؤز «او» و «باش» کلمهلرينین بیرلهشمهسیندن اولوشوبدور، او باش، بو باش!
زومار آیي ۱۸-ي, ۱۳۸۷ چاغ ۵:۱۴ آ.خ
[…] طبقه بندی شده زیر دیل, وئبلاقلار, یورماق و یوزماق » اوباش، اوباشدانليق سؤزونون كؤكو نه اولابيلر؟ بئله دوشونورم كی اوباشدان سؤزو «او+باش+دان» […]
قیروو ۱۸-ي, ۱۳۸۷ چاغ ۴:۰۰ آ.خ
[…] دیل حاقدا قیسا یازیلار ۱۰ / سید حیدر بیات قارادری باراک اوباما و آغدری ابراهیم رشیدی ساوالان چیخدیلار / سید حیدر بیات […]
قیروو ۲۲-ي, ۱۳۸۷ چاغ ۹:۴۶ آ.خ
سلام
اوباشدان-اوباش-اوواش حاققينا ايله ري سوردويونوز دوشونجه له ر اولدوقجا ايلگينج و ماراقليدير. دئدييينيز اوب كؤكونون اسكي بيچيمي اوپ`دور، بوگون بو كلمه منيم بيلديييمه گؤره هوپ`دا دؤنوشوبدور. اؤرنه يين هوپ توتماق تركيبينده. اوباشدان گرچه كده ن اوپ كلمه سيندن تؤره ميش اولسا، ايلك اؤنجه پ`نين نئجه ب`يه دؤنوشدويو آچيقلانمالي، داها سونرا دا نه اوچون باشينداكي ه حرفي دوشدويو اينجه له نمه ليدير. البتته بو كلمه نين چوخ اؤنجه له ري، ديليميزده ايكينجيل ه`لرين كلمه له رين باشينا آرتيريلماسيندان قاباق تؤره ديلدييي اؤنه سوروله بيله ر، آنجاق بو دورومدا دا بو كلمه نين نه اوچون اسكي قايناقلاردا ايزي اولماديغينا آچيقليق گتيريلمه ليدير.
بير ده من دئهخودا سؤزلويونده، اوباشتن بيچيمينده فارسجا بير فئعلله قارشيلاشديم، آنلامي ايسه تيخا باسا يئمه ك، يئگيني اوتماق،… بونون اوباشدان كلمه سي ايله بير باغلانتيسي وار ميدير بيلميره م. سايقيلاريملا