EYVAZ TAHA - ایواز طاها
RIZA HƏMRAZ رضا همراز
ƏLIMÜHƏMMƏD BƏYANI علی محمد بیانی
هادی قاراچای- HADI QARAÇAY
« آلما یولو نئچه واختدیر…/ سید حیدر بیات | آنا یارپاق | دیل حاقدا قیسا یازیلار ۱۰ / سید حیدر بیات »
مرغئيده اوروجلوق آيينين بعضي دبلري / اسدالله اميری
زومار آیي ۱۲, ۱۳۸۷
مرغئيده رمضان آيينا “اوروجليك آيو” و قالان ۱۱ آيا “سايازليك” دئييلير.
اوروجلوغون ۲۱ -جي گونونو “عزيز گون” بيليرلر و بو گونده اوروج توتمايانلاردا ( او جومله دن اوشاقلار) معمولا اوروج توتارلار. اوشاقلار اوروج توتماغا باشلاركن، ياريم گون (ناهارا جان) اوروج توتوب و بونا “تاباق اوروجو” دييهرلر. اوشاقلار ايلك اوروج توتدوغو گونلرينده آتا آنادان هديه آلارلار. هديه حتي قوز آغاجيدا اولا بيلر.
اوروجلوقدان بير گون اؤنجه اوروج توتانلاردا اولار و بونا مرغئيده “قنشرله¬مه” دئييلير.
مرغئيده اسكي¬لرده افطار يئمهيينده، پنير، سود، كوراماس(قاتيق و سوتون قاتيشيغيلا دوزه¬لن بير يئمك) و اوباش وقتيده همان يئمكلري و دوشوو (اوزوم شيرهسي) و دوشوو شربتي ده يئييرديلر.
۲۱ جي گونون قاباق گئجه¬سي قارداش ائويندن، باجي ائوينه ترلوا(حالوا) گتيريلير. هابئله بايرام گئجه¬سي ¬ده قارداش طرفيندن باجي¬يا بايرامليق گتيريلير. (منيم داييم ايندي¬ده ننه¬مين بايرامليغين وئره¬ر).
اوروج بايرامي گونو، ناهار ايچين تورش اريشده آشي پيشيره¬رلر. تورش اريشده آشينين ايچينده بونلار وار: لوبيا، مرجي، اريك قوروسو، چوغوندر، قوز، ناناداغ، سوغان¬داغ و …..
يازيمين سونوندا بوتون مسلمانلارا اوروجلوق آييني تبريك ائده¬رك، مرغئيلي حكيم تيليم خانين ” بير شعريني تقديم ائديرم:
“بسم الله” اوخودوم “رحمان الرّحيم”
“انّا انزلناه في ليله القدر”
حق نازيل ائيلهدي قدر گئجهسي
“وما ادريک ماليلة القدر”
مين آيه برابر شب-قدردير
غير-شب ده اولدوز اولسا بدردير
او گئجهنين آدي شب-قدردير
صلّ علي شرف-”ليله القدر”
“خير من الف شهر” من ” تنزل”
الملائکه و الروح ” ملکلر دليل
“فيها باذن” قدرت-خداي جليل
مکمل چارده مثل-ماه-بدر
“ربّهم” ورد ائيله چکمه يه سن زجر
“من کل امر” اوخو تا تاپاسان اجر
“سلام هي حتي مطلع الفجر”
هر گئجهدن زيياده دير اونه قدر
به حرمت-ائمه دو جهانه شاه
ذرّه کرمييندن احسان ائت الله
تيليمين عرضين ائت قبول-درگاه
تير-اجابته هدف اولسون صدر
(مرهغئی: ساوه ايله قاراغان قزوين آراسی بير کند، حکيم تيليم خانين ياشاديغی يئر )
بؤلمه لر: ادبیات, دین و توپلوم, فولکلور و ائل ادبیاتی |
زومار آیي ۱۵-ي, ۱۳۸۷ چاغ ۷:۴۳ گ.ؤ
[…] مرغئيده اوروجلوق آيينين بعضي دبلري / اسدالله اميری […]