سون یازیلار

سون گؤروشلر

آرشیو


« زين‌العابدين‌ قيامي‌ «سالار ظفر» / رضا همراز | آنا یارپاق | فضولی شاعر سه زبانه / پروفسور بگلی »

اوچ دؤنه باشینی کسیرلر / سید حیدر بیات

قويروق دوغان ۲۳, ۱۳۸۷

«اوچ دؤنه باشینی کسیرلر، یئنه باش بدنه قوووشور.»
نه ایسه شهید اولور.
شهیدلیک هر آدامین آلنینا یازیلماز کی
یازیلسا دا، اوندان قاچماق اولماز.
بعضی قانلار حقیقت کیمی‌دیر، اونلاری گیزلتمک اولماز. گرک تورپاق اوسته آخالار.
همتی‌نین قانی ‌دا بئله‌ایمیش.
اونون مزار داشی ‌دا بئله‌ایمیش.
ایل‌لر بویو تورپاق‌لار آلتین‌‌دا قالاندان سونرا اوزه چیخیر. اوندان شکیل‌ چکیرلر. قزئته‌لر یئنی بیر خبر یاییملاییر.
مؤولانا همتی انگورانی‌نین مزاری تاپیلدی. اوستونده یازیب:
« الشهید مولانا همتی انگورانی»
انگوران هارادیر؟
زنگانین گونئی‌باتیسیندا یئرلشن زنگین تورپاق‌لی بیر یئر.
دئییرلر: شداد بهشت‌ سالاندا قیزیلینی انگوران‌ تورپاق‌لاریندان قازیب آپارمیش.
ایندی ‌ده انگوران‌دا اولان سرب و روی معدنی ایله، مین‌ده‌نه شداد بهشتی تیکمک چتین دئییل. نه ایسه، معدن‌لر آرابالارا یوکله‌نیر. هانسی بیر شهره گئدیر…

***
«اوچ دؤنه باشینی کسیرلر، یئنه باش بدنه قوووشور.»
بونو انگورانین قوجالاری دئییر.
مزار داشی تاپیلیر.
قزئته‌لر یازیر:
بیر داش تاپیلدی اوستونده یازیلیب:
« الشهید مولانا همتی انگورانی»

مزار داشی ایتیر.
قزئته‌لر یازیر:
او داش ایتدی.

ایکی الیازماسی وار دیوانی‌نین.
تورکجه‌لر،
طالع‌داش دیوانلارین چوخو کیمی او دا یاییملانماییر.

اوچ دؤنه باشینی کسیرلر،
یئنه بدنه قووشور
آمما بو اؤلکه‌ده دؤردونجو دؤنه اولاراق بیر باشی کسمک چتین دئییل.
یئنه کسیرلر
داها قووشماییر.
الیازماسی بوجاق‌لاردا قالیر
مزار داشی ایتیر
یازی بیتیر
«همتی شول زولفو چوگان دلربانین عشقینه
عاشقه بو عرصه‌ده باش اویناماقدیر ناگزیر»

—
ایلگیلی لینک‌لر:
ابهام در سرنوشت سنگ قبر مولانا همتی انگورانی

بؤلمه لر: ادبیات, گونده‌لیک یازیلار/ یادداشتها |

۳ گؤروش یازی: “اوچ دؤنه باشینی کسیرلر / سید حیدر بیات”

  1. Ali Kafkasyalı دئییر:
    قويروق دوغان ۲۴-ي, ۱۳۸۷ چاغ ۷:۲۱ گ.ؤ

    Sayın Üstad Bayat,

    Bu ilgi çekici yazıllarınız için size teşekkür ediyor, başarı ve gayretlerinin devamını diliyorum. Allah’a emanet olun!

    —
    salam sayin HOCAM
    sizin zehmetleriniz iranturk edebiyyati sahesinde unudulmazdir ve menim siniqsalxaq yazilarimi beyenmeni ise mene boyuk sheref sayilir.
    en derin saygi ile
    heyder

  2. ذوقی دئییر:
    قويروق دوغان ۲۵-ي, ۱۳۸۷ چاغ ۱:۵۸ گ.ؤ

    سلاملار بیات به‌ی!
    یازدیغینیز شعر، و ادبی متن چوخ گؤزه‌ل‌ایدی.
    بورادا اوخوجولارلا بیر نوکته‌یی پایلاشماق ایسته‌ردیم او دا بو کی:
    بیر چوخلاری ایلک دؤنه ائشیتدیکده انگوران آدی‌نین انگور+ان دان اولماسینی سانالار بلکه و بیر سیرا بلکه‌، بو سوزجوک دئمک ان+گوران سؤزجوک‌لریندن اولوشور. دئمک چوخ و قاتی گوران. بو کؤی‌لولرین اسکی زامانلار علوی اولدوقلاری سانیلیر. همتی اؤزوده مولانا ابوالقاسم نباتی اشتبینی کیمی حضرت علی علیه‌السلام حاققندا چوخلو شعرلری وار.
    سایقی‌لارلا!
    –
    سلاملار
    ائله بیل پروفسور زهتابی نین نظرینجه بو کلمه ائنگوران اولمالی دیر. زهتابی نین دئدی‌یینه گؤره ائنگوران او منطقه‌ده اولان بیر سردارین آدی‌ایمیش و او سردار آشوری‌لرله ساواشیب اونلاری یئنیلدیب‌دیر.
    همتی نین علوی اولماسی، او عصرده علوی‌لرین منطقه ده اولمالارینا گؤره اصلا بعید دئییل. ایندی ده او منطقه‌ده علوی کندلر وار و من یاریم آی اونلارین بیریسینده قوناق قالمیشام.
    آنجاق چون همتی شاه اسماعیل طرفیندن آنادولویا شیعه‌لی‌یی تبلیغ ائتمه‌یه گئدیر، اونا گؤره بلکه او علوی‌لی‌یی دئییل جعفری‌لی‌یی تبیلغ ائتمه‌یه گئدیب‌دیر.
    هر حال دا بو قونودا کسین بیر سؤز دئمه دن اجازه وئرین بو گله‌جک تحقیق لریمیزه یوخسا گله‌جک آراشدیریجیلارین تحقیقینه بوراخیلسین.
    بیزه بللی اولان بودور کی همتی گوجلو بیر شاعیرایمیش و درگی‌لرده یاییملانان شعرلری گؤزل‌دیر. آیریجا اونون شهادتی و خالق ایچینده اونا عایید دئییلن افسانوی سؤزلر اونون ده یرینی داهادا چوخالدیر.
    تورکجه دیوانلاری دا محقق لرین الینی اؤپور, نییه اونلاری یاییملانان یوخدور؟ قالمیشام

  3. جواد نقي پور دئییر:
    زومار آیي ۲۱-ي, ۱۳۸۷ چاغ ۲:۲۶ آ.خ

    ائويمين ديوارلاري اوچور داياناندا
    قوناق ائوين وه سه طينده اوتورور
    بالينجا دايانير
    قيش اولاندا پاسيودان
    سويوق يئل ايچه ري پولويور
    ائويمين قاپيلاري خه راب
    آچيلان اورتولمور ، اورتوله ن آچيلمير
    دامين آسفالتينين چاتيندان
    سو دامير ياغاندا
    ائويمين بينوره سي توپراقدان
    بيرده تبريز اخباريندا ائشيتديم
    بيزيم ائو گسه ل اوسته تيكيليب
    هه له ليگه به تدي
    جواد نقي پور

    ——-
    سایین جواد بی
    بو شعرلر اوچون سیزی تبریک ائدیریک.
    لوطفن شعرلریزی بیر یئره ییغیب وورد شکیلینده امکانی اولسا بیزه گؤندرین
    حورمتله
    بیات

گؤروشلر