EYVAZ TAHA - ایواز طاها
RIZA HƏMRAZ رضا همراز
ƏLIMÜHƏMMƏD BƏYANI علی محمد بیانی
هادی قاراچای- HADI QARAÇAY
« ائيواز طاها قومسالليقدا بوي آتان چينار / گونتاي گنجالپ | آنا یارپاق | استاد اکبر مدرس اول ( شیوای تبریزی ) / رضا همراز »
دوکتور جواد هیئتین حکیم تیلیم خانین ۵ -جی مراسیمینه مکتوبو
قويروق دوغان ۱, ۱۳۸۷
( بو پیغام حکیمین ۵ ینجی توره نینده سایین دوکتورح.م. گونئیلی واسطه سی ایله اوخوندو)
بؤیوک شاعیریمیز تیلیم خانین ۵ -جی آغیرلاما مراسیمی اشتراکچیلارینا
چوخ ایستیردیم بو گؤزل مراسیمده شخصا اشتراک ائدیب سیزلره خصوصا اؤز اورک سؤزلریمی افاده ائدهم. تاسسوف کی ایشلریم منه بو ایمکانی وئرمیر. اونا گؤره بو مکتوبلا سیزلری تبریک ائدیب، بو عزیز گونده هامینیزا سعادت دیلهییرم.
من شخصا تیلیمخانی عزیز دوستوم وارلیق درگیسینین همکاری، رحمتلیک علی کمالی واسطهسی ایله و اونون وارلیقدا یازدیغی مقالهلری ایله تانیمیشام. رحمتلیک کمالی اؤزو ساوه تورکلریندن اولدوغو اوچون، ساوه و او بؤلگهنین شاعیرلرینی تانیتماقدا چوخ امک وئردی. او بو بولگهنین تورک دیللی شاعیرلرینی و اونلارین اثرلرینی خصوصی علاقه و دیققتله توپلایاراق بو بارهده یازدیغی مقالهلری ایله اونلاری و اثرلرینی وارلیق اوخوجولارینا تانیش ائتدی. اونون یازدیقلارینا گؤره تیلیمخان بو بؤلگه شاعیرلرینین ان قدرتلیسی اولموش. حئییف کی کئچمیشده لاییق اولدوغو قدر تانینمامیشدیر. من ۱۸ ـجی عصرین ایکینجی و ۱۹ ـجو عصرین بیرینجی یاریسیندا(۱۷۶۳-۱۸۳۲) یاشایان بو خلق شاعیرینین شعرلرینی اوخودوقجا اونا سئوگی و سایغیم آرتاراق ارادتیم چوخالمیشدیر. تیلیم خان تام معناسی ایله بیر خلق شاعیری حتی بیر حق شاعیریدیر. او خلق ایله یاشامیش، خلقین شادلیغیندا سئوینمیش و کدری ایله کدرلنمیشدیر. تیلیم خان بوتون وجودی ایله ائلینی و وطنینی سئومیش و وطنی ایران خطره دوشنده هامینی بیرلیگه دعوت ائتمیش و وطنینی مدافعه ائتمهگه تشویق ائتمیشدیر.
سؤزلریمین سونوندا اولو تانریدان او مرحوما رحمت و سیزلره خوشبختلیک دیلهییرم.
ساغ اولون
آلما یولو:
تیلیم خانین ۵-جی قورولتایینا خبرلری و یازیلاری حکیم تیلیمخان وبلاگیندان آلا بیلرسیز. یئری گلمیشکن بو قورولتایین بئشینجی دؤورونده چالیشیب، زحمت چکن یولداّشلارا اؤز سایغیلاریمی سونوب و اوستاد دوکتور هئیته جان ساغلیغی و اوزون عومور دیلهییرم. آیریجا تیلیم خانین بیرینجی قورولتایینا قاتیلان دوکتور جواد هیئت، دوکتور فرزانه و باشقا بیلگین لریمیزدن ایکی شکیل تقدیم اولونور:
سولدا اوتورانلار (ترتيب ايله، سولدان): دوکتور جواد هيئت, اوستاد محمدعلي فرزانه, اوستاد سيد رضا خشکنابي(اوستاد شهريارين قارداشي),
ساغدا اوتورانلار (ترتيب ايله، ساغدان):دوکتور مير هدايت حصاري, شاعير حسن مجيدزاده”ساوالان”, شاعير تيمور داداشي(طهوري) و يئرده اوْتوران يازيچي اکبر آزاد.
بندامير کندينده کمالي عائيلهسينين ائوينده.
بؤلمه لر: ادبیات, تاریخ, خبر و تحلیل |
قويروق دوغان ۲-ي, ۱۳۸۷ چاغ ۱۲:۵۱ گ.ؤ
سلام
بو گؤرونتولري گؤرونجه، ايچيمدن سيزين يازينين قونوسو ايله هئچ بير باغلانتيسي اولمايان بير شئي يازماق گلدي . بو عكيسده كي قان و آلينان جان منده گؤزه ل دويقولار اويانديرمادي. من قوربان كسمك دبينه قارشييام. حتتا حئيوانلاري يئمك آماجلي اؤلدورمه يه ده قارشييام (بو اوزدن ده ياواش ياواش ات يئمه زلييه -وئژئتئريينلييه- گئچديم). قوربان كسمك ايسه گئرچه ك آنلاما آنلامسيز و گره كسيز يئره باشقا بير جانليييا قييماقدير. هله كوچه نين، خيياوانين اورتاسيندا الده پيچاق، ميللتين گؤزو قاباغيندا حئيوان يئرلرده قان ايچينده سوروكله نه ره ك، آجيلار ايچينده چابالاركن ياپيلان بو ايشي، دوغرودان خوشونت و ييرتيجيليغي تشويق و يايماق كيمي گؤروره م. قان، آجي، جان آلما، يوخ ائتمه و …. كيمي شئيلري ايچه ره ن قوربان كسمك يئرينه، قارشيلاما تؤره نلرينده ياشيلليق و ياشارليق، گؤزه لليك نيشانه سي اولان گول و چيچه كله گئتمك منجه چوخ داها اينسانجا و اويقارجادير. حتتا منجه تورك و آزربايجانلي ايسلام ديني خاديملري، قوربان كسمه نين چاغيميزين قوشوللاري و گره كلري ايله باغداشيب باغداشماماسيني سورقولامالي و تارتيشمالي، قوربان كسمك يئرينه چاغيميزا و چاغيميز اينسانينا داها ياراشان بير يول بولماليديرلار
—
سلام
منده ده ائله بئله بیر حیس یاراندی بو شکیلی گؤرنده، آما تاریخی بیر بلگه اولاراق پایلاشماسینی ماراقلی بیلدیم.
البته سیزین ده سؤزونوز یئره دوشمه سین دئیه شکیلی بیر آز دئییشدیم