EYVAZ TAHA - ایواز طاها
RIZA HƏMRAZ رضا همراز
ƏLIMÜHƏMMƏD BƏYANI علی محمد بیانی
هادی قاراچای- HADI QARAÇAY
« تاريخ حضور ترکان در ايران قبل از اسلام و بعد از آن / سید حیدر بیات | آنا یارپاق | رجبعلي تبريزي (۱۰۸۰ هجري ۷۰-۱۶۶۹ ميلادي) به روايت كربن »
هانسی اثرلری اوخویاق ؟ / سید حیدر بیات
قوراپيشيرن ۲۱, ۱۳۸۷
بو گونه کیمی آذربایجاندا چوخلو کیتابلار یاییملانیب. طبیعی کی بو کیتابلار هر بیریسی اؤز نؤوبهسینده بیر بوش یئری دولدورا بیلیبلر. کیتابسیز توپلوما هر نه وئرسن آج آدام یا حیوان کیمی گؤیده توتاجاق.
هه! من ائله کیتاب مسئلهسینه بو گؤزلوک ایله باخیب، هر نه یاییملانیر یاییملانسین یاخشیدیر، دئیردیم.
آما ایندی تام باشقا دوشونورم. نه ایسه بو یازینین قلمه آلماق سببی بو دوشونجهنی آچیقلاماق دئییل، بلکه ده نئچه دیلداشین «هانسی کیتابی اوخویاق و یازی دیلینی نئجه اؤیرهنک؟» سورولاریدیر.
بو قلم صاحیبی هله اؤز اؤنجهکی یازیلارینا باخاندا بیر آز اوتانیر. آخی هر ایل اونون یازیسیندا بیر تحول یارانیب و هر زامان بیر سیرا یانلیشلارینی اصلاح ائدیبدیر. بو اصلاح اؤز باشینا دئییل، اونون بونون تذکری ایله اولوبدور. هاچان ایواز طاها، هاچان گونتای جاوانشیر و هاچای هادی قاراچای یا باشقالاری تذکر وئریبلر. من ده اوز یولا بیریسی. تئز اصلاح ائتمیشم، ان آزی سعی ائتمیشم داها او یانلیشی یازمایام. آما دوغروسو تک بو تذکرلر دئییل اؤزوم ده سورکلی اوخوموشام. بوگون قاییدیب آرخایا باخاندا ائله بیل بیر ماراتون یاریشینی آرخادا قویموشام.
دوغرودور، دیل اؤیرنمک، بو گونکو دورومدا آذربایجان تورکجهسی اؤیرنمک ماراتون یاریشینا گیرمکدیر. سیتهلر ده هر شئیی پوزورلار. شخصن سعی ائدهرم “آلما یولو”ندا گئدهن یازیلارا بیر گؤز دولاندیرام. بیر نئچه یازی دا گؤز دولاندیرمامیش گئدیبدیر البت. آما باشقا سیتهلرده چوخلو هر نه گئتسه ائله اوجور باخیلمامیش، ائدیت اولمامیش یاییملانیر. آخی نشر عالمینده ائدیتچی کیمی بیر تئرمین ده واریمیزدیر دئمهلی. بیزیمکیلر بونو بیلمهییرلر یانی؟ بیلسهلر ده ال باشدان اوجا گلیب نئینهمک؟
البته بیر نئچه سیته او جوملهدن بایقوش و یازی سیتهلری بیر استثنا کیمیدیرلر، یئری گلمیشکن ناصر مرقاتی، لاله جوانشیر و صمد پورموسویدن تشککور ائتمهلیییک.
قاییداق یاییملانمیش کیتاب مسئلهسینه. دیل اؤیرنمک ایستهین دیلداشلار دوغرودان هر یاییملانمیش کیتابی اوخومامالیدیرلار. بو کیتابلارین چوخو دا سیتهلریمیز کیمی زهر=ی هلاهیل و سم-ی قاتیلدیر. بو کیتابلاردا گئدهن یانلیشلار او قدر چوخدور کی کیتابی باشاباش اوخویاندان سونرا سیز اون کلمه دوز اؤیرنسهنیز، اونلا یاناشی بیر کیتاب دا یانلیش اؤیرهنیرسیز.
هر حالدا هانسی کیتاب اوخویاق سورغوسونا جاواب وئرمک منه یئتیشمهمهلیایدی. آما بیلیرم کی بونو دا من یازماسام کیمسه یازمایاجاقدیر. اونا گؤره ده بیر بالاجا کیتاب و یازار لیستی یازینین سونوندا یئنییئتمه اوخوجولارا اؤنهرهجهیم.
دئمهلی بو کیتابلارین اوخونماسی، یالنیز دیل باخیمیندان توصیه اولونور، موحتوا مسئلهسینه توخونماییریق. ان آزی سیز بو کیتابلاردان بیر شئی اؤیرنمهسهنیز، اونلاردان یانلیش دا اؤیرنمهیهجکسینیز. یانی بو گرگین دورومدا یانلیش اؤیرنمهمک دوز اؤیرنمکدن داها اؤنملیدیر. البت بو کیتابلارین چوخو موحتوا باخیمیندان دا دیرلیدیرلر.
بورادا بیر اؤنملی مسئلهیه ده توخونمالییام. منجه گونئیده آذربایجان تورکجهسینده یازماق سورهجینی نئچه یئره بؤلمک اولار. بیرینجی وارلیق مکتبی و انقلابدان سونرا نیسبی آزادلیق کؤلگهسینده یازیلان اثرلر، ایکینجیسی ۷۶ خوردادیندان سونرا یاییملانماغا باشلایان اؤیرنجیسل درگیلر دؤنهمی، اوچونجوسو ایسه آذری، یارپاق و دیلماج دؤنمی. بو آرادا هئچ قزئته یارپاق قدری دوزیازییا و مودئرن یازییا اؤنم وئرمهمیشدیر. یارپاق آرادا کسیلسه ده ایواز طاهانین یاییملادیغی کیتابلار و اؤزلجه «نئجه یازاق» کیتابی بو ساحهنین ان ائتگیلی اثرلری اولموشدور.
یئری گلمیشکن، ایندییه کیمی منیم یازدیغیم یانلیشلاری اؤیرهنن بوتون دیلداشلاردان عوذور ایستهییرم.
۱. آذربایجان دیلی نین ایضاحلی لوغتی –کؤچورن: اوستاد بهزاد بهزادی. بو سؤزلویون اؤزل یازی شیوهسی بیر آز چتین اولسا دا بیر آز اوخویاندان سونرا گؤز آلیشار. دئمهلی رحمتلیک اوستاد بهزادی گؤزلرینی ائله بو یولدا قویموشدو.
۲. پروفسوز زهتابینین اثرلری
۳. ایواز طاهانین بوتون اثرلری
۴. ناصر منظورون بوتون اثرلری
۵. گنجعلی صباحی نین اثرلری
۶. نگار خیاوینین اثرلری
۷. هادی قاراچایین اثرلری
۸. حسن ریاضینین یازیلاری
۹. مرتضی مجدفرین کیتابلاری
۱۰. محمدرضا لوایینین اثرلری
۱۱. ارومیه ده یاز نشریاتینین یاییملادیغی کیتابلار (بو نشرین اثرلری چوخلو بهرام اسدی نین تشببوثو ایله دوزگون ایملادا یاییملانیبدیر.)
۱۲. حسین محمدخانی «گونئیلی»نین یازدیغی و ائدیت ائتدییی اثرلر
۱۳. اوستاد فرزانهنین یازیلاری
۱۴. یارپاق قزئتهسی
۱۵. میرزه رسول اسماعیلزادهنین قرآن کریم ترجومهسی و باشقا اثرلری
۱۶. آذری درگیسینین بوتون ساییلاری
۱۷. وارلیق درگیسینین اورتوقرافی اوتوروملاریندان سونراکی ساییلاری (وارلیق اینقلابین اولیندن یاییملاماغا باشلارکن دیلیمیزه ده گلیشدیریب، آنجاق اونون اوولکی ساییلارینین اوخوماسی دیل اؤیرهنمک اوچون یاخشی دئییل.)
۱۸. دیلماج درگیسی
۱۹. یاشماق درگیسینین یاییملادیغی کیتابلار
۲۰. دده قورقود– آنار، کؤچورن علی کریمی
۲۱. آذربایجان حیکایهلری – حاضیرلایان: محمد صبحدل
۲۲. و نهایت بو گون چیخان کیتابلارین و ها بئله سیتهلرده گئدن ادبی یازیلارین چوخو اؤزلجه گنجلرین بوراخدیغی کیتابلار و اؤیکولر، ادبی دیل معیارلارینی چوخ باخیمدان رعایت ائدیرلر. ناصر مرقاتی، علیرضا صرافی، گونتای جاوانشیر، نادر ازهری، لاله جوانشیر، بهروز صدیق، همت شهبازی، رامین جهانگیرزاده، رضا کاظمی، ملیحه عزیزپور، علیرضا جوانبخت، دالغا خاتین اوغلو، دومان اردم، فتح الله ذوقی، ارسطو مجرد، ایشیق سؤنمز، سعید موغانلو، حمید آصفی، حمید آرغیش، مهران باهارلی، حامد احمدی و…
بؤلمه لر: ادبیات, گوندهلیک یازیلار/ یادداشتها |
قوراپيشيرن ۲۱-ي, ۱۳۸۷ چاغ ۷:۰۸ آ.خ
salamlar
allariniz var olsun
çüx faydalandım
allah sızı bıze çüx gürmesin
قوراپيشيرن ۲۳-ي, ۱۳۸۷ چاغ ۳:۱۰ آ.خ
آذري درگي سيده قوندارما آلفابئتله يازيلاريني يازميش و توركجه اوخوماقا باشلايانلاري بو ديلدن قاچاق سالميشدي.
—
آذری درگی سینده گئدن الیفبایا قوندارما دئمک اولماز چون کی رحمتلی اوستاد بهزادی اونو اؤز علمی اوسلوبلاری ایله قورموشدو. و علمی باخیمدان ان دوزگون الیفبادا ائله او اولمالی. آنجاق گؤز آلیشماغینا گؤره او الیفبا اؤزلجه رسمی اوخول اولمایان دورومدا جاواب وئرمه دی.
قوراپيشيرن ۲۵-ي, ۱۳۸۷ چاغ ۱۲:۱۶ گ.ؤ
حیدر بی:
من ناصیر منطوری نین “قارا چوخا” کیتابین اوخوموشام (آواوا هله الیمه چاتماییب). اوندا چوخلو یانلیشلیق لار وار دی. البته بو یانلیش لیق لارین چوخو گرامر باخیمیندان دی و دئمک اولار الفبا باخیمیندان اورتوگرافی قوروللاری نان یازیلیب دی. سیزین ده باخیشیزی بو قونو دا گؤزله ییرم.
—
ائله بیل آرادا اورتاق بیر شئی وار او دا بو کی اوتایدا اوزون سوره قالمایانلارین نثرینده سیز دئین مسئله لر اولمالی دیر. اؤزلجه یئنی لیک آردیجا گئدن یازارلار دا بو آفت داها چوخ اولا بیلر.
منجه اوستاد منظوری نین نثرلرینده بئله مسئله اولسا هر کس دن صلاحیتلی ائله اؤزلریدیر بو اثرلری ایندیکی باخیشلاری ایله تنقید ائده لر.
واختیلا منظوری نین نثرلری تهران تورک آیدینلاری ایچینده بؤیوک ائتگی بوراخیب دیر.
ساغ اولون