EYVAZ TAHA - ایواز طاها
RIZA HƏMRAZ رضا همراز
ƏLIMÜHƏMMƏD BƏYANI علی محمد بیانی
هادی قاراچای- HADI QARAÇAY
« همايشي براي هماهنگی ۳قوم اصلی خاورمیانه | آنا یارپاق | ميان گريه ميخندم / سيد حيدر بيات »
هانسی موسیقیدن سوز آچیرسیز؟ / حمید آصفی
قیزاران ۲۰, ۱۳۸۷
آلما یولو: سون گونلرده رامین جباری بهیین ««ماهنیلاردا یاشامایان میللت» یازیسینا بیر باخیش » باشلیقلی یازیسی آلما یولوندا گئتدی. بو یازی حمید بهی آصفینین یارپاق قزئتهسینده چاپ اولموش «ماهنیلاردا یاشاماین میللت» مقالهسینین تنقیدی اوزهرینده یازیلمیشدی. حمید آصفی آلمایولونا گؤندردییی مکتوبدا رامین جبارینین تنقیدینی الشدیریب و بیر سیرا شئیلری یئنیدن آچیقلاییبدیر. بیزجه بو دارتیشمالار چوخ اؤنملی و یئنی بحثلرین اورتایا قویولماسینا، و دوشونجه فضاسینین گلیشمهسینه سبب اولا بیلر. اونا گؤره بونو بو یازیلاری بیر موبارک اولای کیمی باغریمیزا باسیر، و حمید آصفینین یازیسینی اوخوجولارا تقدیم ائدیریک.
گؤرهسن بیزیم موسیقینین یوکسکلییی اوزییر حاجی بی اوف چاتدیردیغی اوجالیقدیر یوخسا اونداندا باشقاسینا – اوجاسینا- یئر وار؟ بیلمیرم نییه بو قدر کئچمیشین دالداسیندا گیزله نیب اوزوموزه گؤوه نیریک. بو بیزده باتماق دئییل نه دیر؟
حؤرمتلی بیات
منیم یارپاق قزئتینین سون نومره سینده چاپ اولونموش ماهنی(لاردا یاشامایان میللت) آدلی یازیما رامین جباری دوستوموز اؤز تنقیدی باخیشلارین او سیته واسیطه سی ایله یاییملامیشدی . بو یازینی دوستوموزون بیر نئچه سهوینه داییر یازیب و سیزه گؤندریرم. اونون یاییملانماسینی سیزدن ریجا ائدردیم.
بو یازی باشدان آیاغا قورو بیر تعصب اساسیندا قورولوب . بیلیمرم اوز چاتیشمایان نوقطه لریمیزه ایشاره ائله مک نییه بیزی بئله بیرسنگرده جبهه لنمه یه وادار ائدیر. عزیز دوستوم، صادالادیغیز بوتون بسته کارلار آدی و اونونلارین شاه اثرلری تاریخ باخیمیندان آرتیق دویونجاق کلاسیک دووره عایید اثرلردیلر. اونلارین نه اندازه ده بویوک و دیرلی بیراثر اولماسینی من دئیه بیلمه رم نییه کی سؤز بوندان گئتمیر. سوز بیزیم ایندی کی حالدا دورغون حالیمیزدان گئدیر. سوروشماق اولار کی چاغداش دوورده بیر گون ایچره بیزده نئچه شاه اثر یارانیر؟. واختیلا بیر گونده اوزییر حاجی بی اوف طرفیندن بیر اثر یارانیردیسا ایندی نه اولوب کی بیزیم موسیقی تکجه باش …. آچیق ایفاچیلارالا فخر ائلهمهلی دیر. سیزجه بیزیم خالقین ذوقو بونلارلا کورلانماییب نه اولوب؟ سیزجه ایندی امیراوفون (شور) اثری چوخ پاپولییاردی یوخسا فیلان ایفاچی نین سارسیدیجی سسی ایله بیرگه گوپ گوپ موسیقی سی.
یازیقلاراولسون کی موسیقینین حیمایه داری دوولت آداملاری ایلا بیرگه تئله کاناللار اونو اس ام اس واسیطه سیله باتلاق لارا چکیبلر. منه تعجب گلیر کی سیز بونلاری گؤررکن هانسی موسیقیدن سوز آچیرسیز. هه دئمک اولار کی مینلرله ایفاچی وار آنجاق بو مین دننئچه سینی آد آپارماق اولار کی دونیا سوییه سینده آذربایجان موسیقی تبلیغی اوزره دیرلی ایش گؤرموش اولالار . (عالیم قاسیم اف و سیعده مصطفی زاده بو ایکی داهینی قیراغا قویماق شرطی ایله)
گؤرهسن بیزیم موسیقینین یوکسکلییی اوزییر حاجی بی اوف چاتدیردیغی اوجالیقدیر یوخسا اونداندا باشقاسینا – اوجاسینا- یئر وار؟ بیلمیرم نییه بو قدر کئچمیشین دالداسیندا گیزله نیب اوزوموزه گؤوه نیریک. بو بیزده باتماق دئییل نه دیر؟
جهانگیر جهانگیر اوفون سومویو نئچه دفه چورومهلی دیر کی بیز بو داهینین یاخاسیندان ال چکک؟ بیرده آرشین مال آلانین یانما تاریخینی بیلیرسیز؟ اوندان ساوایی بیزده هئچ زاد یانمامالی دیر؟ بو گون نه یاتمیشیق کی بو قدر سینهمیزه دویوب منم منم ائدیریک؟ /بو گونو اولمایانین نه دونهنی اولوبدور نه صاباحی اولاجاق/ بویوک محمد آرازین بو سؤزونو سیزه خصوصی اولاراق یازیرام. اوزونوزدن سوروشون گؤرک بو قدر ایستعداد سوراغینا اولان میللتده نییه داها اوزییر حاجی بی اوف و اوندان دا اوجا سی یارانمیر.
موغام موسیقیسینه گلدیکده ایسه دوغرودور سون واختلار بیر نئچه ایستعداد تاپیلیب آنجاق اونلارین صاباحی سیزی بو قارماقاریشق جیب و گؤزللیک!!!!! یاریشماسیندا ماراغلاندیرمیر؟. دوولت قایغیسی بیلیرسیز نه یین باهاسینا قورتاریر؟
- آللاه علو اؤندریمیز ………… قبرینی نورلا دورلدورسون. اونون لاییق داوامچی سی ……… جان سالیغی اوزون عؤمور وئرسین . بیز اونو دستکله مک له اؤز تشککوروموزو اوندان بیلدیریریک.
رامین جان ! نه قدر بو سؤزو تئله کاناللاردان ائشیدیب عصبلشیبسن؟ هه عزیز دوستوم بیزی بو قایغیلار قورتارا بیلمز . بیزی، میلتیمیزین اوزونه دونوشو و بیر داها صادالادیغیز داهیلر سایاغ موسیقیچیلری عرصهیه گتیرمک قورتارار. یاددان چیخارمایاق کی بورادا باخیشلاریمیزین رئال اولماسیدا اؤنملیدیر. من موسیقیمیزی هئچ ده فاغیر و بئچارانین بیری بیلمیرم آنجاق بو گئدیشاتین سونو باشا دویمه لی اولار. بونو دئمک ایسته ییرم.
حؤرمتله
حمید آصفی
««ماهنیلاردا یاشامایان میللت» یازیسینا بیر باخیش »
بؤلمه لر: ادبیات, دوشونجه، فلسفه و تنقید |
قیزاران ۲۲-ي, ۱۳۸۷ چاغ ۳:۲۶ آ.خ
سالام
حیدر قارداشیم سیزه و دانیشان قارداشلاریمیزا یورولمییاسیز دئییرم.
من قاباقجا اردبیلده یاییملانان بیر درگی ده گؤردوم خالخاللی بیر نفر تورکجه دانیشیقدا ایشله نمیش فارس سؤزجوکلرینی سیرالاما لیست ائدیب یازمیشدی.
بو ایشین اؤنه مینی من دوشونه بیلمیرم. اما بیر شئیی دوشونورم، آی قارداش بیر میللت کی ایندی دانیشیغیندا تک فعلین تورکجه دئییر، اونون دیلینده اولان فارس سؤزجوکلری لیست ائله مک گرکلی اولا بیلر؟
بیر ائل مثلی ده وار:
قیزیم سنه دئییرم گلینیم سن ائشیت.
حیدر قارداش سوندا سیزه ساغول دئییب بو وئبلاگی لینک ائتمه نیزی سایقیلارلا ایسترم.
—
سلام
آلمایولوندا ائله بیر بیر فنی موشکول واردیر. یانی سرعتین آزلیغینا گؤره یؤنه تیم بؤلومونده بیر سیرا صحیفه لری آچا بیلمه ییریک. او جومله دن لینک صحیفه سی ایشدن دوشوب و یولداشلاردان شرمنده اولوروق.
لینک لر بؤلومونه باخسانیز اورادا بیر سیرا سیته لر وار کی ایندی داها یوخدولار و لینکلری سیلینمه لی یا دئییشیلمه لی دیر. مثلن باراما یئرینه بایقوش سیته سی نین لینکی قویولمالی دیر. اما دئدیگیم موشکوله گؤره الیمیزدن بیر ایش گلمیر.
ساغ اولاسیز.