سون یازیلار

سون گؤروشلر

آرشیو


« ادعا سيز و چاليشقان آراشديريجي و شاعير رضا همراز / محمد الفت | آنا یارپاق | فراخوان مقاله برای سال زبانها و سال محمود کاشغری »

تيليم‌سيزميشم / سید حیدر بیات

گولن آی ۱۱, ۱۳۸۷

بو شعری سس ایله دینله‌مک اوچون بورایا تیخلایین.

شعرین متنی:

اوٍچ قرنيد‌ن سوْنرا تيليم¬خاندان يازماق عاشيق علسگر دئديگي کيمي, “يازماماغي يازماغيندان ياخشي‌دير”. قيناما مني، من نييه تيليمدن يازيم؟ يوْخسا بو ائلين يازانلاري اؤلوب، اوزانلار ديلي‌نين ازبري تيليم‌خان, بيزيم ادبيات تاريخلريميزده، فاکولته‌لريميزده، بيليم‌يوردلاريميزدا نه¬د‌ن بئله بير حؤرمتسيزليگه معروض قاليبدير. بيلميرم تيليم ديري اوْلسايدي بونو دا “مهري خانيم”ين گؤزوندن گؤره‌جک‌ايدي؟!
“سن مني ائله‌دين ائلدن اولوسدان”
بيلمير‌م.
آنجاق بيليرم تيليمدن يازماق منه يارامير.
تيليم، تيليم، ديليم، ديليم- ديليم اوْلموش ديليمده يازيب ياراتميش خان.
آذربايجانين دوغو سيٌنيرلاريندا ديليميزي قوْرويان آسلان!
چؤگور تئللرينه تانيش شاعير،
ماهني‌لاردا ياشايان،
دؤشدن دؤشه، دوْداغدان ـ دوْداغا، تئلد‌ن ـ تئله، سازدان سازا، سازدان سؤزه، ياشايان، بيزه چاتان توٍرکولردير تيليم.
ديوا‌نسيز امپراطور، دفترسيز شاعير، چؤگورسوز اوزان‌دير تيليم.
مرَغئي گديکلرينده مني هايلايير، گلديم، گلديم، گلديم، تيليم دده، دده‌تيليم، سن ددَم قوْرقود، سن. . .
کيمليک سيمگه‌سي، سن کيمليک زيروه‌سي,
سنه من نييه هاي وئريم؟ تيليم!
يوْخسا بو ائلين هاي وئرنلري اؤلوبدولر؟
يوْخسا بو اؤلکه‌نين ائله بئش ـ آلتي شاعيري واردير؟
يوْخسا سن بو اؤلکه‌نين شاعيري دئييلسن؟
يوْخسا شاه‌سئون قيٌزلاري سنين آديني ائشيتمه‌ييب‌لر،
يوْخسا اوْ قيٌزلار سنين سؤزـ ييٌرلارينلا ساچلاريني يئللرده اسديرمه‌ييب‌لر بايراق کيمي هالايلاردا،
بو را بير اوزان گتيرين
ييٌرسيزميشام
قاراخانسيزميشام
هالايسيزميشام
چؤگورسوٍزموشم
لئيلاناسيزميشام
تيليم‌سيزميشم
ديليم‌سيزميشم
هاي موٍسلمانلار!
توٍرکوسوزموشم!
مزلقان چاييندان يئنه آخيرمي توٍرکولر؟
تيليم کيمي گئدم اوْردا بير اوْوج توٍرکو ايچم
“مزلقان چاييندان گؤتوردوم هاوا”
لئيلانا
لئيلانا
لئـي
لا
نا
سيز
ميـ
شا
م

۱- لئيلانا: شاه¬سئون هاواسيندا بير اوْيوندور (رقص).

بؤلمه لر: ادبیات, شعرلر |

۹ گؤروش یازی: “تيليم‌سيزميشم / سید حیدر بیات”

  1. ذوقی دئییر:
    گولن آی ۱۱-ي, ۱۳۸۷ چاغ ۳:۱۸ گ.ؤ

    اودلو سلاملارلا!
    چوخ گؤزه‌ل دکلمه‌ ائدیبسن بیات به‌ی! دوغرودان دا یاشامالیسان! دؤنه‌لرله قولاق آسیمشام، بئله مره‌غئی‌ـه گئتمک آرزیسی قاپساییب منی کی گل گؤ‌ره‌سن!
    سایقی‌لارلا!
    اسن قال!

  2. جعفر اوغلو دئییر:
    گولن آی ۱۱-ي, ۱۳۸۷ چاغ ۱:۳۵ آ.خ

    سلام حیدر بیات بیگ جنابلاری
    تانری دان ایسته ییریک دونیانین هر یئرینده وارسیزساغلیق وباشی اوجالیق لا یاشایاسیز
    بیز یوردوموزون گووه نملی تاریخ -کولتور -مدنیتینی و..آراشدیرماق اوچون (آذربایجان تاریخیaztarix.blogfa.com)آدلی وئبلاگی اوز تورکجه میزده یازیریق.
    بیز سیزین آدرسیزی اوز وئبلگیمیزین لیستینه آرتیردیق وایمکانی اولدوقجا سیزده ایسته ییریک کی سیزده بیزیم وئبلاگین آدرسینی اوز لیست لریزه آرتیرین تا بیزده سیزله وچوخلو چالیشقان ومنت سیز وطن قوللوقچولاری لا بیرلیکده یوردوموز آذربایجانین دیرچه لشمه سینده و اونو دونیایا تانیتدیرماسیندا کیچیک اولموشسادا بیر سهمیمیز اولسون وسیزده بیزله ایلگیلی اولون الییزدنگلسه بیزیم وئبلاگدا مطلب یازین . اونجه دن سیزدن تشکور ائدیب واوز منتدارلیغیمی بیلدیریرم.
    آذربایجان قوللوقچوسو جعفر اوغلو

  3. quplay دئییر:
    گولن آی ۱۱-ي, ۱۳۸۷ چاغ ۲:۲۱ آ.خ

    Salam
    Tilimxan haqqinde matlabi deyishdirdim
    Lutfen menim weblogime izahi sherh gonderin

  4. آشیق گونش علی رمضانی دئییر:
    گولن آی ۱۱-ي, ۱۳۸۷ چاغ ۱۱:۰۵ آ.خ

    چؤخ ساغ اول بیات بی دؤغرودان دا یاشییا سیز.:
    سحردن گؤردوم مهرینی
    گؤز اوستونده قاش دؤلانور
    چکمه گه اؤ ماه جمالین
    گؤر نئچه ناققاش دؤلانور

    ایتیردیم پائیز چاغیندا
    تاپدیم مرغئیه داغیندا
    نازلی یارین فراغیندا
    گؤزلریم ده یاش دؤلانور

    قیزیل آلما اللرینده
    ابریشم وار تئللرینده
    چشمه سینین گؤللرینده
    بیر جوت یاشیل باش دؤلانور

    ایگیت ده گئی سین دؤنونو
    رقیبه ادتسین دؤوونو
    اؤچو ایتیرسین اؤوونو
    داغی دؤرد و بئش دؤلانور

    بو گئدن یار جانانی دیر
    عشق اؤدونا یانانی دیر
    تیلیم مهری باغبانی دیر
    آیری بؤلبول بؤش دؤلانور

  5. آشیق گونش علی رمضانی دئییر:
    گولن آی ۱۱-ي, ۱۳۸۷ چاغ ۱۱:۱۷ آ.خ

    ساغ یاشا بیات بی دؤغرودان دا تیلیم سیزمیشام

    دوستلاریم ائیله شیب مجلیس بزه نیب
    دئمه یه آشیقین هوسی گلـــــــــــــیر
    باهارین فصلینده آچیلیب گؤللــــــــــــــر
    بؤلبول-شیدانین نواسی گلـــــــــــــــیر

    سؤز دئمیشم سؤزوم اوسته دایاننام
    یوخو گؤرسم تئز یوخودان اؤیاننــــــام
    سئو میشم مهرینین عشقینه یاننــام
    چندی کی تیلیمین نفســــــــــی گلیر

  6. links for 2008-04-30 « تورکوک بیز Türkük Biz دئییر:
    گولن آی ۱۲-ي, ۱۳۸۷ چاغ ۱:۲۲ گ.ؤ

    […] تيليم‌سيزميشم / سید حیدر بیات اوٍچ قرنيد‌ن سوْنرا تيليم¬خاندان يازماق عاشيق علسگر دئديگي کيمي, “يازماماغي يازماغيندان ياخشي‌دير” […]

  7. ائلدنیز دئییر:
    گولن آی ۲۰-ي, ۱۳۸۷ چاغ ۳:۱۲ آ.خ

    سلام
    بو گون بیردن یادیما دوشدو دئدیم:چوخداندیر آلما یولونا باخمامیشام، باخیم گوروم یئنی نه لر وار…
    همیشه کی کیمی نئچه گوزه ل یازی نی اوخوما ایمکانی نصیب اولو، آما بو آرادا فرقلی بیر شئی له ده راستلاشدیم، اودا تیلیم سیزله میشم آدلی بیر شعرین حیدر بی طرفینده ن دیکله مه سینه قولاق آسماق ایدی، باخمایاراق کی سرعتیمین آز اولماسیندان دولای یئندیرنده نئچه کره قیریلدیم آما نهایت یئندیردیم و قولاق آسدیم، چوخ سئودیم و سیزین سسینیزی ایلک دفعه اولاراق ائشیدیردیم، هم گوزه ل سسینیز وار همده کوزه ل ایفا ائتمیشسینیز…
    سیزین حاقدا دوستومون بیر سوزو یادیما دوشدو:
    آ کیشی سن نه ایمیش سن !!!…

  8. سيد حيدر بيات دئییر:
    گولن آی ۲۱-ي, ۱۳۸۷ چاغ ۲:۱۱ گ.ؤ

    سلام ائلدنیز بی
    سیزلرین همیشه منه لوطفو اولوبدور. تبریز یولداشلارینا سلام بویورون

  9. Yusuf دئییر:
    گولن آی ۲۱-ي, ۱۳۸۷ چاغ ۷:۰۱ گ.ؤ

    الینیزه ساغلیق

    شعرینیز، اینساندان، لاپ آر قالیر جان آلا

گؤروشلر