سون یازیلار

سون گؤروشلر

آرشیو


« در دفاع از فردوسی | آنا یارپاق | سو پريسي / گولزار ابراهيم‌اووا »

بختیار وهابزاده‌نین حیاتینا قیسا باخیش

زومار آیي ۴, ۱۳۸۶

آذربايجان ادبياتي نين، بوتؤولوکده xx عصر پوئتيک فيکري نين گؤرکملي نوماينده سي، خالق شاعيري بختييار واهابزاده نين آدي تکچه رئسپوبلکاميزدا دئييل، اونون سرحدلريندن چوخ-چوخ اوزاقلاردا موتفککير شاعير، ليريک دراماتورق، ايستعدادلي عاليم و پوبليسيست، غئيرتلي و جسارتلي ايجتيماعي خاديم، ساده و صميمي اينسان کيمي مشهوردور. تصادوفي دئييل کي، اونون اثرلري - شعر کيتابلاري، دراملاري و پوبليسيست يازيلاري دونيانين چوخ ديللرينده، او جومله دن اينگيليس، فرانسيز، آلمان، فارس، تورک، پولياک، ايسپان، ماجار و کؤهنه سوويئت بيرليگينه داخيل اولان بير چوخ خالقلارين ديللرينه ترجومه ائديلميش و بو اثرلر چوخ بؤيوک ماراق و سئوگي ايله قارشيلانميشدير.

بختييار واهابزاده ماحمود اوغلو ۱۹۲۵-جي ايلده شکيده دوغولموش، ۱۹۳۴-جو ايلده عاييله‌سي ايله برابر باکييا کؤچموشدور. ۱۹۴۲-جي ايلده اورتا مکتبي بيتيريب، باکي دؤولت اونيوئرسيته‌تي نين فيلولوگييا فاکولته سينه داخيل اولموش، ۱۹۴۷-جي ايلده همين فاکولته‌ني بيتيريب اونيوئرسيته‌نين نزدينده آسپيرانتورايا قبول اولونموشدور.

۱۹۵۱-جي ايلده ” س.وورغونون ليريکاسي ” مؤوضوسوندا نامزدليک، ۱۹۶۴-جو ايلده ايسه ” س.وورغونون حيات و ياراديجيليغي ” مؤوضوسوندا مونوگرافيياسيني مودافيعه ائديب، فيلولوژي علملر دوکتورو عاليمليک درجه سيني آلميشدير.

بختييار واهابزاده بديعي ياراديجيليغا ايکينجي دونیا ساواشی ايللرينده باشلاميش، ۱۹۴۵-جي ايلده يازيچيلار ايتتيفاقي نين اویه‌لی‌یینه قبول اولونموشدور. محصولدار بديعي ياراديجيليقلا ياناشي، ب.واهابزاده ۴۰ ايلدن آرتيق اونيوئرسيته‌ده درس دئميش، ۱۹۹۰-جي ايلدن تقاعوده چيخميشدير. ۱۹۸۰-جي آذربايجان علملر آکادئميياسي نين موخبير عوضوو سئچيلميشدير.

ب.واهابزاده ۷۰-دن آرتيق شعر کيتابي نين، ۲ مونوقرافييانين، ۱۱ علمي پوبليسيست کيتابين و يوزلرله مقاله نين مؤليفيدير. باکي آکادئميک دؤولت درام تئاتري نين صحنه‌سينده اونون ” ويجدان ” ، ” ايکينجي سس ” ، ” ياغيشدان سونرا ” ، ” يوللارا ايز دوشور ” ، ” فرياد ” ، ” هارا گئدير بو دونيا ؟ ” ، ” اؤزوموزو کسن قيلينج ” ، ” جزاسيز گوناه ” ، ” دار آغاجي ” پيئسلري تاماشايا قويولموشدور. او، تاريخي و موعاصير مؤوضودا ۲۰-دن آرتيق ايري حجملي پوئمانين مؤليفيدير.

او، ۱۹۷۴-جو ايلده امکدار اينجه صنعت خاديمي، ۱۹۷۵-جي ايلده رئسپوبليکا، ۱۹۸۴-جو ايلده ايسه SSRI دؤولت موکافاتي laureatı آدلارينا لايیق گؤرولموشدور. ۱۹۸۵-جي ايلده اونا ” خالق شاعيري ” آدي وئريلميش، ۱۹۹۵-جي ايلده ايسه آذربايجان خالقي نين ميللي آزادليق اوغروندا موباريزه سينده خصوصي خيدمتلرينه گؤره ” ايستيقلال ” اوردئني ايله تلطيف ائديلميشدير.

ب.واهابزاده‌نين شعرلري اوبرازلارين کاميلليگي، بديعي واسيطه لرين معاصيرليگي و اوريژينالليغي ايله سئچيلير. اونون بوتون اثرلرينده دونيايا فلسفي باخيش اساس يئر توتور.

سون ۳۰-۴۰ ايلده آذربايجان ادبياتيندا ب.واهابزاده قدر عوموم خالق محبتي قازانميش ايکينجي بير شاعيرين آديني چکمک چتيندير.

بديعي، علمي، پوبليسيستيک ياراديجيليغيني ايجتيماي-سياسي فعاليتله عوضوي صورتده علاقه لنديرن ب.واهابزاده ۵ دفعه آذربايجان عالي سووئتينه ميلت وکيلي سئچيلميشدير (۱۹۸۰-۲۰۰۰).

او، هله ۶۰-جي ايللردن باشلايان ميلي آزادليق حرکاتي نين اؤنجوللريندن بيري اولموشدور. ۱۹۵۹-جو ايلده يازديغي ” گولوستان ” پوئماسي ايله ايکي يئره پارچالانميش آذربايجانين تاريخي فاجيعه سيني ديله گتيرميش، روس و فارس ايمپئرياسي نين پنچه سي آلتيندا اينله‌ين آذربايجان خالقي‌نين آزادليق و ايستيقلال اوغرونداکي عدالتلی موباريزه سينه قوشولموشدور.

بو پوئمايا گؤره ۱۹۶۲-جي ايلده شاعير ” ميلتچي ” دامغاسي ايله اونيوئرسيته‌دن چيخاريلميش، يالنيز ۲ ايلدن سونرا يئرينه قايتاريلميشدير. سوويئت رئژيمينده ميللي وارليغي تاپدانان، هر جور محروميتلره معروض قالان ميلتين دردلريني رمزلر و موختليف ادبي اوصوللارلا ايفاده ايتميش، ايري حجملي پوئمالاري و پيئسلرينده حاديثه لري يا تاريخه، يا دا باشقا اؤلکه‌لره کئچيره‌رک اؤز ميلتي‌نين دردلريني ديله گتيرميشدير. بيرباشا سوويئت ديکتاتوراسيني ايفشا ائدن اثرلريني ايسه شاعير، سوويئتلر ايتتيفاقي داغيلاندان سونرا ” صانديقدان گلن سسلر ” باشليغي آلتيندا نشر ائتديرميشدير.

بو واختا قدر قودرتلي سؤز اوستاسي، کسکين پوبليسيست، ادبي-بديعي پروسئسين تشکيلاچيسي کيمي تانينان ب.واهابزاده سون واختلار خالقي دوشوندورن بير چوخ مسئله لرده، او جومله دن اويدورما قاراباغ پروبلئمي ايله علاقه دار مسئله لرده آغ‌ساققال کيمي جيددي فعاليت گؤسترير. همچنين او، آنا ديليميزين صافليغي، تميزليگي اوغروندا دايم، يورولمادان موباريزه آپارير.

ب.واهابزاده نين ائوي بير نؤع، ميلتين اوميد قاپيسينا دؤنموشدور. بئله کي، رئسپوبليکانين موختليف کند و رايونلاريندان هر گون اونلارلا مکتوب آلير، نئچه-نئچه شيکايتچيني ائوينده قبول ائدير، اونلاري دينله‌يير و ايمکان داخيلينده هر بيري نين دردينه علاج ائتمه يه چاليشير. رئسپوبليکا عالي سووئتي‌نين سئسسييالاريندا، ايجتيماي-سياسي مجليسلرده، کوتلوي اينفورماسييا واسيطه لرينده کي چيخيشلاريندا او، خالق منافعيي نين اصل مودافيعه چيسي، حاقيقي وطنپرور و ايجتيماعي خاديم کيمي هامي نين درين حؤرمت و محبتيني قازانميشدير. ياراديجيليغي بويو خالقين ايستک و آرزولاريني ترننوم ائدن، بو آرزولارين حياتا کئچمه سينه چاليشان وطنداش شاعير اوچون خالقين منافعيي اونوين شخصي منافعيينه چئوريلميشدير.

آذربايجان يازيچيلار بیرليگي‌نين تقديماتي (http://www.vahabzade.net/biogr.htm)
عرب الیفباسینا حاضیرلایان: آلمایولو

—
www.hbayat.com

بؤلمه لر: ادبیات |

۵ گؤروش یازی: “بختیار وهابزاده‌نین حیاتینا قیسا باخیش”

  1. Urmu » Archive » بختیار وهابزاده‌نین حیاتینا قیسا باخیش دئییر:
    زومار آیي ۴-ي, ۱۳۸۶ چاغ ۳:۵۶ آ.خ

    […] hbayat.azerblo… […]

  2. ماحمیت دئییر:
    زومار آیي ۵-ي, ۱۳۸۶ چاغ ۹:۵۸ گ.ؤ

    سلام حالیز نجوردی افندیم

  3. چنگيزجعفري دئییر:
    زومار آیي ۲۴-ي, ۱۳۸۶ چاغ ۹:۵۷ آ.خ

    سلام بو گوزل سايت و وبلاگينيزدان چوخ خوشوم گلدي ساغ اولون
    توركو غزللريندن منيم ايميليمه گوندرين

  4. آراز آراداکن او اؤلدو / سید حیدر بیات | ALMA YOLU, سؤز سؤز آچار، سؤز گؤز آچار دئییر:
    دوندوران ۲۶-ي, ۱۳۸۷ چاغ ۱:۴۲ گ.ؤ

    […] بخیتار وهابزاده‌نین حیاتینا قیسا باخیش […]

  5. rasul دئییر:
    دوندوران ۲۷-ي, ۱۳۸۷ چاغ ۱۲:۵۲ آ.خ

    salamlarla saiqilar .chox gozel yazdighindan derin minetdaram .yaxshi olardi shaiirin bir neche poemasindanda burda olaidi
    sagh qalin

گؤروشلر