سون یازیلار

سون گؤروشلر

آرشیو


« گيزلين آلتينلار / آنایوردوم وئبلاگی | آنا یارپاق | حكيم تيليم خانین دؤردونجو قورولتاييندان نئچه شکیل »

حکیم تیلیم خان نییه قاییدیب؟ / سید حیدر بیات

قوراپيشيرن ۳۰, ۱۳۸۶

تیلیم خان داها دوغروسو بلکه ده تئلیم خان، عادی بیر شاعیر دئییل.
یولداشلارین بیریسی بئله سانمیشدی کی تیلیم خان ساوه ماحالینا عایید اولدوغونا گؤره بئله قاباریب گؤزه گلیر. بئله می؟
یولداشلارا دئمه‌لی‌یم: ساوه‌نین اطرافیندا اونلار بلکه ده یوزلر تورک شاعیر یازیب یاراتمیشلار. او جومله‌دن خوندابلی مهجور، رضاعلی، تورکمن ماحمود و… آمما هئچ بیریسی تیلیم خان اولماییبلار. تیلیم خان بیر قرنیدن ده بلکه چوخ ساوه، قوم، قاراقان، قزوین ماحاللاریندا عاشیقلارین سازلاری ایله سؤزلرینی کند کند ائوائو گزدیریب کؤنوللره قوناق آپاریبدیر.
تیلیم خاندا سؤزجوک، فورما، دوشونجه تام باشقا شاعیرلر ایله فرقلی‌دیر. بو فرقی طبیعی کی آکادمسینلر آچیقلامالی‌دیرلار.
آیریجا تیلیم خان آذربایجان مدنیتینده استثااولاراق یاشامی افسانه‌لشمیش و اونون شعرلری ایله یاناشی حیاتی دا بیر داستان کیمی عاشیقلار طرفیندن سؤیله‌نیلر. بو افسانه‌وی حیاتی زنگان عاشیق موحیطی‌نین عاشیقلاری دا سؤیله‌رلر و زنگانلی عاشیق موسلوم عسگری نین سؤیله‌دیگی تیلیم خان داستانی بو گونلر محمد رزاقی به‌یلری‌نین تشبثی ایله قلمه آلینیب دیر.
اورکلری مفتون ائتمک آنجاق هر شاعیرین ایشی دئییل و تورکمن لرده مختومقلی فراغی و آذربایجاندا دا حکیم هیدجی خواص ایچینده و تیلیم خان و ماراغالی کریمی و شهریار و… کیمی شاعیرلر خواص و عوام ایچینده بو افتخاری قازانیب‌لار.
بیرده خاطیرلایالیم کی تیلیم خانین هله شعرلری کامیل صورتده چاپ اولماییبدیر بلکه چاپ اولاندان سونرا یاخشی قضاوت ائده بیلک.
تیلیم خانین دؤردونجو قورولتایی بوتون چاتیشمامازلیقلارا باخمایاراق گؤستریردی کی تیلیم خان بیرداها بابک کیمی اؤز دیلینی ساوونماغا قاییدیب دیر و قومدان قورولتایا دوغرو گئدن اتوبوسو امنیتی قوه‌لر قایتاراندا هامی بابک قالاسی‌نین موسافیرلری نی خاطیرلادی. آنجاق بو دؤنه شوونیزمین قولاغی دیبینده بو اولای باش توتدو.
منجه بو مسئله میللی حرکته یئنی بیر یؤن و یئنی بیر تعریف گتیردی. اومورام کی اوزمانلار بو ساحه‌ده آرتیق فیکیرلشه‌لر.

بؤلمه لر: ادبیات, خبر و تحلیل |

۶ گؤروش یازی: “حکیم تیلیم خان نییه قاییدیب؟ / سید حیدر بیات”

  1. آذری بالاسی دئییر:
    قوراپيشيرن ۳۰-ي, ۱۳۸۶ چاغ ۴:۴۷ آ.خ

    موءزودان آسیلی المیاراغ نسریندن چوخ خوشوم گلدی! حایئف لار السون کی بیزیم قاباغچئل-لارئمئزذا بیزی بو ایرگنج الیفبادان قورتارمادیلار!

  2. Azad Tabriz News » News Archive » حکیم تیلیم خان نییه قاییدیب؟ / سید حیدر بیات دئییر:
    قوراپيشيرن ۳۰-ي, ۱۳۸۶ چاغ ۶:۰۲ آ.خ

    […] آیریجا تیلیم خان آذربایجان مدنیتینده استثااولاراق یاشامی افسانه‌لشمیش و اونون شعرلری ایله یاناشی حیاتی دا بیر داستان کیمی عاشیقلار طرفیندن سؤیله‌نیلر. بو افسانه‌وی حیاتی زنگان عاشیق موحیطی‌نین ده عاشیقلاری دا سؤیله‌رلر و زنگانلی عاشیق موسلوم عسگری نین سؤیله‌دیگی تیلیم خان داستانی بو گونلر محمد رزاقی به‌یلری‌نین تشبثی ایله قلمه آلینیب دیر. اورکلری مفتون ائتمک آنجاق هر شاعیرین ایشی دئییل و تورکمن لرده مختومقلی فراغی و آذربایجاندا دا حکیم هیدجی خواص ایچینده و تیلیم خان و ماراغالی کریمی و شهریار و… کیمی شاعیرلر خواص و عوام ایچینده بو افتخاری قازانیب‌لار. بیرده خاطیرلایالیم کی تیلیم خانین هله شعرلری کامیل صورتده چاپ اولماییبدیر بلکه چاپ اولاندان سونرا یاخشی قضاوت ائده بیلک. تیلیم خانین دؤردونجو قورولتایی بوتون چاتیشمامازلیقلارا باخمایاراق گؤستریردی کی تیلیم خان بیرداها بابک کیمی اؤز دیلینی ساوونماغا قاییدیب دیر و قومدان قورولتایا دوغرو گئدن اتوبوسو امنیتی قوه‌لر قایتاراندا هامی بابک قالاسی‌نین موسافیرلری نی خاطیرلادی. آنجاق بو دؤنه شوونیزمین قولاغی دیبینده بو اولای باش توتدو. منجه بو مسئله میللی حرکتینه یئنی بیر یؤن و یئنی بیر تعریف گتیردی. اومورام کی اوزمانلار بو ساحه‌ده آرتیق فیکیرلشه http://hbayat.azerblog.com/?p=۲۴۸ […]

  3. links for 2007-07-22 « تورک دونیاسی دئییر:
    قوراپيشيرن ۳۱-ي, ۱۳۸۶ چاغ ۱۲:۲۲ آ.خ

    […] حکیم تیلیم خان نییه قاییدیب؟ / سید حیدر بیات (tags: Telim-Xan/TelimXan) […]

  4. امیر نصیری ( ائلمان زنگانلی ) دئییر:
    قويروق دوغان ۱۹-ي, ۱۳۸۶ چاغ ۱۰:۲۴ آ.خ

    بؤیوک وباغیشلایان آللاهین آدویادیلا

    عزیزیم آپار منی

    گول ائله آپار منی

    ائل یولوندا ایتمیشم

    ایتیرن تاپار منی

    قوشان : امیر نصیری ( ائلمان زنگانلی )
    ۲۴/۱/۸۶

    آجیخان چؤرک ایستر

    قار توکن کورک ایستر

    ظالیمین إوین ییخماق

    بیر بؤیوک اوره گ ایستر

    قوشان : امیر نصیری ( ائلمان زنگانلی )
    ۲۴/۱/۸۶

    بوداغلار قار اولایدی

    باهاری وار اولایدی

    چوخدان گؤزوم یولدادی

    اول گلن یار اولایدی

    قوشان : امیر نصیری (ائلمان زنگانلی )
    ۲۴/۱/۸۶
    ( وطن )
    بوداغلاردان آشارام

    سئل تک دولوب داشارام

    وطنیمه یئتیشسم

    ایللر بویو یاشارام

    قوشان : امیر نصیری ( ائلمان زنگانلی )
    ۲۸/۱/۸۶
    ( وطن )
    چتین گونده دوزه رم

    دوستاقلاری چکه رم

    وطنیمه یئتیشسم

    توپراقینی اوپه رم

    قوشان : امیر نصیری ( ائلمان زنگانلی )
    ۲۹/۱/۸۶

    ( وطن )
    قارانلیقدان قاچارام

    گؤنشه یول آچارام

    وطن آدی گلنده

    آدینا گول ساچارام

    قوشان : امیر نصیری ( ائلمان زنگانلی )
    ۲۹/۱/۸۶

    ( آتا )
    چوخ سئورم آتانی

    سئومم اونو آتانی

    شاعیرین گؤزه ل چاغی

    اولار گونون باتانی

    قوشان : امیر نصیری ( ائلمان زنگانلی )
    ۲۹/۱/۸۶
    ( سؤز )
    سؤزونو دی قانانا

    سؤزچویه سؤزیازانا

    هر زادین اوز اهلی وار

    دئمه قویو قازانا

    قوشان : امیر نصیری ( ائلمان زنگانلی )
    ۲۹ / ۱ /۸۶

    اوزان بیلر ساز نئدی

    نازسیز بیلر ناز نئدی

    باغبان آرزی سین چکر

    بولبول بیلر یاز نئدی

    قوشان : امیر نصیری ( ائلمان زنگانلی )
    ۲۹/۱/۸۶

    اورمو تبریز زنگانیم

    آذر بایجاندی جانیم

    شرفلی دی گؤزه لدی

    آدلی ، سانلی ایرانیم

    قوشان : امیر نصیری ( زنگانلی ائلمان )
    ۵/۲/۸۶

    عزیزیم آنا دیلیم

    مین دئیه ر جانا دیلیم

    زامان سیخیب بوغسادا

    قویمارام یانا دیلیم

    قوشان : امیر نصیری ( زنگانلی ائلمان )
    ۲/۴/۸۶

    عزیزیم اینسان یاشا

    آزیاشا اینسان یاشا

    شاعیراولسان بوسؤزو

    ایلک شئعرینده یازیاشا

    قوشان : امیر نصیری ( زنگانلی ائلمان )

    ۱۳/۴/۸۶

  5. امیر نصیری ( ائلمان زنگانلی ) دئییر:
    قويروق دوغان ۱۹-ي, ۱۳۸۶ چاغ ۱۰:۲۶ آ.خ

    مدیر
    ایندیسه دای دیپلم آلان آلمایان
    اینجییمه لی ایشلره ال ویرمایان
    صوبح ساحات اوندایوخودان دورمایان
    سسله ییری منده مدیر اولموشام
    گورمه دیگیم گونلریمه اومموشام

    ایندیسه دای هلله کانی هلله ده ن
    بیربالامدرکله اوزون یئلله ده ن
    پیلله کاندا دوروب آیاق پیلله ده ن
    سسله ییری منده مدیر اولموشام
    یوخسوللوقون کوللارینی یولموشام

    ایندیسه دای ارراباسین چاپدیران
    ال چؤرگی ،یاقلی فتیریاپدیران
    لیسانسینی پول گؤجونه تاپدیران
    سسله ییری منده مدیر اولموشام
    یاقلی چؤرکلر گؤجونه قالمیشام

    ایندیسه دای ساق سولونو بیلمه ین
    آیدا بیریول فیرتیقی نی سیلمه ین
    ایش باجاریب یاباجارا بیلمه ین
    سسله ییری منده مدیر اولموشام
    شانس گئتیریب دیرخالامن دورموشام

    بیری واردی آدی مشه میرزاقا
    توسباقانی گؤرسه دئیر قورباقا
    یایدا آقا گوزله ییری قار یاقا
    اودا دئییر منده مدیر اولموشام
    تسلیقیم یوخ!آمما ژیان آلمیشام

    چوخلاری کی ایندیسه واردیرمدیر
    دانیشگاهی،کنکورو بیلمیر نئدیر
    پارت گؤجونه قازلاییب آنجاق گئدیر
    بوقلاییری بیب مدیر اولموشام
    آرخالیغیم هاردا قالیب!؟دونموشام

    ایندیسه دای ایداره نی شیرکتی
    مدیر بالام یئییر قیقیرمیز اتی
    بیرنئچه گوندور گوره سن فورصتی
    یئییر دئییر منده مدیر اولموشام
    کاریگرین آمانینی آلمیشام

    ائلمان دئییر منه نه وار؟!! شاعیرم
    سؤزیونورام قول قانادین سئیلیر م
    اوز دیلیمه من یانیرام گؤینورم
    کروان گئدیب آیری دوشوب قالمیشام
    بئش قیرانی هاردا بیلمم سالمیشام
    امیر نصیری ( ائلمان زنگانلی ) ۸۶.۱.۱۱

  6. جواد نقي پور دئییر:
    زومار آیي ۲۰-ي, ۱۳۸۷ چاغ ۵:۱۱ آ.خ

    گئديشده ن ساخلادي قولدور بير باخيش
    قاطارن بيرينجي واقونوندا
    سه ني ، مه ني ، كيلاشينكوف گول له له ريني
    ضامينه قويولان كيلاشينكوف لار
    قارانلقدا باغيران يارالاري
    چوخ اوجوزا ساتديلار
    زئرزه ميده شئه چه كدي عدالت
    تاپدالاندي ياخجئلئخ
    آسمان خه راش كيمين گويله ره سانجئلدي پيسلئخ
    بوينو يوغون كيشيله ر، كيشيلغي
    اونون كولگه سينده حه رراجا قويدولار
    سئچ آپار تئي يوز تومه نه
    قودوزلار اجناسي قاپباغا داريشديلار
    گون اورتا اولونجات ساتديلار قازانديلار
    كولگه چه كيلدي گون ووردي داز كه له له رينه
    جيب دولو پولونان
    كولئر آتدا ياتماغا
    ائوه ساري يوللانديلار
    ……………
    گئنه ده گئديشده ن ساخلايير قولدور باخشلار
    قاطارن بيرينجي واقونوندا
    سه ني مه نسيز ، مه ني سه نسيزكيلاشينكوف گوله له رينه ن
    جواد نقي پور

گؤروشلر