سون یازیلار

سون گؤروشلر

آرشیو


« يازيجي‌لار بيرلي‌يي» حاقدا دوكتور صديق ايله موصاحيبه | آنا یارپاق | شب شعر رضوی به زبان ترکی آذری” »

۳ شعر

قیروو ۳۰, ۱۳۸۵

اوغرو!

سید حیدر بیات

تانری جوشدو
من آخدیم
وارلیغین چایی دالغالاندی
تانری شاخدی
من ساچدیم
یوخلوغون یوردو ایشیقلاندی
تانری باخدی
من باخدیم
من آلچاقلاندیم
او اوجالاندی
یئر - گوی
آرالاندی
سونرا
سول جیبیمده‌ن حاووانی ائشی‌یه چیخارتدیم
تانری
دئدی: آی اوغرو!
گؤزلری بولودلاندی
۸۱ قوم

—————————-
يئني بوت

او زامانلار قوتسال مزارلارا ييخينتي دوشرديم
ايندي
بوتون ايناميمي الدن وئرميشم
هانسي ايمامزادايا دخيل دوشوم

سئودي جي ييم سن نئيه اؤلمه ييرسن
بو دوغو اينساني مزارينا حاجت دئيه گلسين

—————————-
سسلر

دئدي ائله دير
دئديم ائله دير
دئديك ائله دير

سونرا بير سس گلدي
يوخ ائله دئييل بئله دير

دئدي بئله دير
دئديم بئله دير
دئديك بئله دير

سونرا بير سس گلدي
يوخ بئله دئييل

بيليره م
بيز هئي آناجاييق
هئي قاناجاييق
سونرا
بير سس گله جك

—————————-
وحی

تانری سنین گؤزلرینله باخدی
هئچ اؤزون بیلمه‌ده‌ن
شیطان سنین آیاقلارینلا
اوزاقلاشیردی

آند ایچه‌رم اوجاغا
آتشه
و کؤزه
و کؤزون کؤنلونه
شعری او آندا کؤنلومه
اندیردیلر
باغریندا دیوان بیته‌جک
دئدیلر

آبان ۸۵ قوم

—————————-
کپنک

کپنکلر اوچار قونار
کپنکلر اوچار
کپنکلر قونار
یاز گونونده
گوللرین اوستونه

*

کپنک بوغازیمدادیر
سنی سسله‌ینده‌ن بری

آبان ۸۵ قوم

—————————-
قاپیلار

قاپیلار آچیلیر
قاپیلار باغلانیر
قاپیلار آچیلیر باغلانیر
قاپیلار آچیلیر
قاپیلار باغلانیر
آچیلیر باغلانیر
قاپیلار

آبان ۸۵ قوم

بؤلمه لر: شعرلر |

گؤروشلر